2020 гъэм щIышылэм и 30-м Москва КъегъэлакIуэ Христос и Члисэм и кафедральнэ члисэ зэхуэхьэсахэм я Залым Москварэ Урысей псомрэ я Патриарх Кирилл къыщызэIуихащ Урыс Чристэн Члисэм и Межсоборнэ присутствием и пленумым и зэIущIэр.
Пленумыр тхьэлъэIу уэрэдкIэ ирагъэжьащ, Москварэ Урысей псомрэ я Патриархым и секретарь пресвитор Диваков Владимир иригъэжьар. ТхьэлъэIум къеджащ Урыс Чристэн Члисэм и УнафэщIыр.
Патриарх ЛъапIэ Кирилл Межсоборнэ Присутствием хэтхэм захуигъэзащ псалъэкIэ икIи къигъэлъэгъуащ пленумым и зэIущIэм зыщыхэплъэну Iуэхугъуэхэр.
Пленумым и зэхыхьэм хэтщ Псыхуабэ, Черкесск щIыналъэхэм я архиепископ Феофилакт, Межсоборнэ Присутствием хэтыр.
Пленумым и лэжьыгъэм хыхьэу «Положение о канонических прещениях и дисциплинарных наказаниях священнослужителей», «О светской трудовой деятельности священнослужителей» проектхэм я тхылъхэм щытепсэлъыхьынущ. Пленумым и зэIущIэр щIышылэм и 30-31-хэм екIуэкIынущ.
***
Межсоборнэ Присутствиер – Поместнэ, Архиерей члисэ зэхуэсхэр щрагъэкIуэкIкIэ лажьэ, Москва Патриархатым и органщ. Абы и къалэнхэм хохьэ Урыс Чристэн Члисэм и гъащIэм теухуа, мыхьэнэ зиIэ Iуэхугъуэхэм унафэ тещIыхьыныр. Межсоборнэ присутствием и Iуэхухэм щыщщ богословием, члисэ управленэм, члисэ правэм, тхьэлъэIухэм, пастырым, псапащIэм, духовнэ егъэджэныгъэм, дин узэщIыныгъэм, диаконием, Члисэмрэ жылагъуэмрэ я зэхущытыкIэхэм ехьэлIахэр. Межсоборнэ Присутствием хыхьэу зыхэплъэну Iуэхугъуэхэр къагъэлъагъуэр Поместнэ е Архиерей Члисэ зэхуэхьэсам, Синод лъапIэм, Москварэ Урысей псомрэ я Патриархым.