2020 гъэм щIышылэм и 28-м Псыхуабэ, Черкесск щIыналъэхэм я архиепископ Феофилакт, пастыр нэхъыщхьэхэм я гъусэу, хэтащ VIII Хъуромэ Парламент зэIущIэхэм, Урысей Федерацэм и Федеральнэ Зэхуэсым ФедерацэмкIэ и Советым щекIуэкIам, «Великая Победа: наследие и наследники» XXVIII
Дунейпсо хъуромэ егъэджэныгъэ къеджэныгъэхэм хыхьэу. Урыс Чристэн Члисэм и гупым я пашэу щытащ Москварэ Урысей псомрэ я Патриарх Кирилл.
Патриарх ЛъапIэ Кириллрэ Матвиенкэ В.И. еплъащ ФедерацэмкIэ Советым и япэ къатым къыщызэрагъэпэща «Красота Божьего мира», «Невский пятачок» сабийхэм я гъэлъэгъуэныгъэхэм.
2019 гъэм «Красота Божьего мира» зэпеуэр трахуащ ТекIуэныгъэ иныр къызэрахьрэ илъэс 75-рэ зэрырикъум. Сабийхэм я лэжьыгъэхэм къыщагъэлъэгъуащ совет цIыхубэм, я адэжьхэм я лIыгъэр зэрызыхащIэр. зэпеуэм хэтащ Урыс Чристэн Члисэм и епархие 177-рэ, етIуанэ Iыхьэм ягъэхьащ Урысейм, Молдавием, Украинэм, Белоруссием, Кипрым, Аргентинэм щыщ лэжьыгъэ 3115. «Невский Пятачок» экспозицэр траухуащ Ленинград блокадэм.
ИужькIэ ФедерацэмкIэ Советым и пэшышхуэм щекIуэкIащ VIII Хъуромэ парламент зэIущIэхэр. Зэхыхьэм и президиумым хыхьащ Москварэ Урысей псомрэ я Патриарх Кирилл, ФедерацэмкIэ Советым и унафэщI Матвиенкэ В.И, Къэрал Думэм и УнафэщIым и япэ къуэдзэ Жуков А.Д, ФедерацэмкIэ Советым и унафэщIым и япэ къуэдзэ Федоров Н.В, Ростовскрэ Новочеркасскрэ я митрополит Меркурий.
Зэхыхьэм хэтащ Синод лъапIэм зэпымыууэ хэтхэр, митрополийхэмрэ епархиехэмрэ я Iэтащхьэхэр, Урыс Чристэн члисэм и щоджэнхэр, Чристэн Члисэхэм я лIыкIуэхэр, синод IуэхущIапIэхэм я унафэщIхэр, парламентым щыщхэр – ФедерацэмкIэ Советымрэ Къэрал Думэмрэ хэтхэр, къэрал IэнатIэхэм, щIэныгъэ, жылагъуэ зэгухьэныгъэхэм, дин IуэхущIапIэхэм щыщхэр.
ЗэIущIэр къызэIуихащ ФедерацэмкIэ Советым и унафэщI Матвиенкэ В.И. Къызэхуэсахэм захуигъэзащ Москварэ Урысей псомрэ я Патриарх ЛъапIэ Кирилл.
Зэхыхьэм къыщыпсэлъащ УФ-м и ФЗ-м и Къэрал Думэм и унафэщIым и япэ къуэдзэ Жуков А.Д; УФ-м зыхъумэжыныгъэмкIэ и министрым и къуэдзэ – УФ-м IэщэкIэ зэщIэузэда и къарухэм я дзэ-политикэ управленэ нэхъыщхьэм и унафэщI, генерал-полковник Картаполов А.В; урыс журналист, ВГТРК-м и «История» телеканалым и редактор нэхъыщхьэ, режиссёр Денисов А.Г.
АдэкIэ Москва областым и Реутовэ къалэм и школ №6-м и 10 классым и еджакIуэхэу Борис Анастасиерэ Полуэктов Сергейрэ. Ахэр волонтёр къэлъыхъуэныгъэ зэгухьэныгъэм жыджэру хэтхэщ, «Памятники доблести и славы» проектым и къэхутэныгъэ лэжьыгъэхэр я Iэдакъэ къыщIэкIащ. Къэпсэлъа нэужь, еджакIуэхэм ФедерацэмкIэ советым и унафэщI Матвиенкэ В.И. Москварэ Урысей псомрэ я Патриарх Кирилл абыхэм тыгъэ хуащIащ «Живая память» тхылъыр.
Парламент зэIущIэхэр щиухым, Урыс Члисэмрэ ФедерацэмкIэ Советымрэ я УнафэщIхэм сабий творчествэмкIэ «Красота Божьего мира» дунейпсо зэпеуэм щытекIуахэм щIыхь тхылъхэмрэ саугъэтхэмрэ иратащ.
***
Хъуромэ парламент зэIущIэхэр – Дунейпсо хъуромэ егъэджэныгъэ къеджэныгъэхэм мыхьэнэшхуэ зиIэ и Iыхьэщ. Москварэ Урысей псомрэ я Патриарх Кирилл япэу хэтащ 2014 гъэм щIышылэм и Парламент зэIущIэхэм. Щихънагъыр абы щыгъуэ ФедерацэмкIэ советым къыщыпсэлъащ. Урыс Чристэн Члисэм и Iэтащхьэр абы щыгъуэ япэу кIуащ урыс парламентым и ищхьэ палатэм.
2015, 2017, 2019 гъэхэм Хъуромэ парламент зэIущIэхэр Къэрал Думэм и утыкум щекIуэкIащ, 2016, 2018 гъэхэм ФедерацэмкIэ Советым щызэхэтащ.