Псыхуабэ, Черкесск щIыналъэм я архиепископ Феофилакт и арэзыныгъэкIэ, Чристэн Свято-Никольскэ классическэ гимназием и еянэ классым щIэсхэр, я егъэджакIуэхэм я гъусэу, Москва кIуащ хабзэ зэрыхъуауэ.
ЩIышылэм и 1-м пщэдджыжьым жьыуэ гимназием и гъэсэнхэр Покров цIыхубз къулъшырыфым кIуащ, блаженнэ Матронэ Московскэм и къарум щыщ Iыхьэхэм здылъэIэсам, иужькIэ КъегъэлакIуэ Христос и цIэр зезыхьэ члисэм зыщаплъыхьащ, еплъыныгъэ утым кIуэри къалэм къыхэплъащ.
Тхьэ елъэIуну щыкIуа етIуанэ махуэм сабийхэр еплъащ Къэрал Третьяковскэ галереем и экспозицэхэм. Художественнэ гъуазджэм и дахагъэр ныбжьыщIэхэм ягу ирихьащ. Гимназием и гъэсэнхэм Дуровэ Терезэ и Театриумым и актёрхэм я джэгукIэмрэ музыкэмрэ ягу къинэжащ.
Москва къалэм и Романовскэ школым Хъуромэм щыIущIащ, гимназием и гъэсэнхэр ИлъэсыщIэмрэ Христос и Хъуромэмрэ я концерт программэм здыхэтам. Кисловодск гимназиер – Романовскэ школым долажьэ, «Школьные музеи Победы городов-партнёров» проектымкIэ. Ар траухуащ ТекIуэныгъэ Иныр къызэрахьрэ илъэс 75-рэ зэрырикъум. Ныбжьэгъухэм хьэщIэхэм къратащ фэеплъ саугъэтхэмрэ шей зыдефэну тортрэ. Ещанэ махуэм еджакIуэхэр щыIащ Троице-Сергиевэ лаврымрэ Москва и духовнэ академием и Члисэ-археологие пэшымрэ. НыбжьыщIэхэм абы зыщыхагъэгъуэзащ члисэ гъуазджэм и щапхъэхэмрэ реликвиехэмрэ, члисэ лэжьакIуэхэм я гъащIэм теухуахэм. Ут Плъыжьым зекIуэр щызэхуащIыжащ.