Илъэс 25-кIэ митрофорнэ щоджэн нэхъыжь Остапчук Иоанн Къэбэрдей-Балъкъэрым и чристэн члисэхэм я благочиние къулыкъур ирихьэкIащ. Иоанн 1997 гъэм дыгъэгъазэм и 28-м дунейм ехыжащ. Щоджэныр дунейм зэрехыжрэ илъэс тIощIрэ тIурэ щрикъум, щихъ Столпник Симеон и цIэр зезыхьэ члисэм тхьэлъэIу литургиекIэ щыIущIащ икIи Иоанн и кхъащхьэм деж щоджэнхэм, екIуэлIапIэм кIуэхэм, щоджэным и къуэшхэм тхьэлъэIу щрагъэкIуэкIащ.