2019 гъэм дыгъэгъазэм и 25-м щIыналъэ лъапIэм къикIыжащ Псыхуабэ епархием икIа гупыр, щоджэн Шафоростов Андрей щIыгъуу. ЩIыналъэ лъапIэм икIа гупыр къызэригъэпэщащ епархием и «Кавказский паломник» IуэхущIапIэм.
Щихъ Николай и фэеплъ махуэм щIыналъэ лъапIэм Тхьэ елъэIуну кIуахэм Христос и щэхухэм зыщыхагъэгъуэзащ Христос и хъуромэ члисэ Вифлеем щыIэм. Дыгъэгъазэм и 21-м тхьэлъэIум хэтхэр КъегъэлакIуэм и Жор гъуэгум тету кIуащ. Тхьэмахуэ жэщым щIыналъэ лъапIэм икIыу Тхьэ елъэIуну кIуахэр Иерусалим члисэм Тхьэм и щэхухэм зыщыхагъэгъуэзащ. Псыхуабэ епархием икIа гупыр урыс къулъшырыфхэм щыIащ: Горненскэ, Спасо-Вознесенксэ, апостол пэлъытэ Магдалинэ Марие и цIэр зезыхьэм, Иорданыпсым КъегъэлакIуэр умэхъын щащIа щIыпIэм деж.
ЩIыналъэ лъапIэм Тхьэ елъэIуну кIуахэр, епархием и «Фотолетопись Благословенного Кавказа» зэпеуэм щытекIуахэр щIыгъуу, Псыхуабэ, Черкесск щIыналъэхэм я архиепископ Феофилактрэ епархием щIыналъэ лъапIэм Тхьэ елъэIунухэр къызэзыгъэпэщ IуэхущIапIэмрэ фIыщIэ хуащIащ.