2019 гъэм дыгъэгъазэм и 20-м Черкесск и Свято-Сергиевскэ гимназием и гъунапкъэхъумэ ныбжьыщIэхэм я етIуанэ классым къыщызэIуахащ лIыхъужьыгъэм и Партэ, школыр къэзыуха, Хэку зауэшхуэм и ветеран Лапко Евграф и щIыхькIэ.
Зэхуэсым зыкърагъэхьэлIащ Черкесск къалэм и мэрием щыщхэм, Урысей ФСБ-м и гъунапкъэхъумэ управленэм КъШР-м щиIэ къудамэм, ветеранхэм я зэгухьэныгъэм я лIыкIуэхэм. Гимназием и гъэсэнхэм ехъуэхъуащ КъШР-м и цIыхубэ зэхуэсым и Комитетым и унафэщI Ганшин Алексей, гимназием и щоджэн нэхъыжь Кузнецов Сергий.
Махуэшхуэм хэтхэр епсэлъащ ветераным видеонэтынкIэ. Евграф махуэшхуэр къыхэзылъхьахэм гуапэу IущIащ икIи фIыщIэ яхуищIащ, зауэ гъуэгуанэм зыхигъэгъуэзащ, гимназием и гъэсэнхэм Маяковский В. и «Что такое хорошо и что такое плохо» усэм къахуеджащ. Ветераным зэрепсэлъар гимназием и гъэсэнхэм ягу къинэжащ.