Кисловодск къалэм и Чристэн Свято-Никольскэ классическэ гимназием щекIуэкIащ епархием и «Встань за веру, Русская Земля!» егъэджэныгъэ конференцэр. Зэхыхьэр ирагъэкIуэкIащ президент грантхэмкIэ Фондыр и дэIэпыкъуэгъуу. Конференцэм хэтхэр зэхъуэжащ дин, къызэрыгуэкI егъэджэныгъэ IуэхущIапIэхэм дин щэнхабзэмрэ къызэрыгуэкI дуней тетыкIэмрэ зэрыщрагъэджым теухуа я Iуэху бгъэдыхьэкIэхэмкIэ.
ХьэщIэхэм фIэхъус щарихым, гимназием и унафэщI щоджэн нэхъыжь Знаменский Иоанн Хэкум лъагъуныгъэ ухуиIэныр чристэн цIыхум гъащIэм щиIэ мыхьэнэм зэрыщыщым къытеувыIащ. Лэжьыгъэм и пэ къихуэу гимназием и гъэсэнхэм «Встань за веру, Русская Земля» музыкэ-литературэ композицэр утыку къыщрахьащ. Конференцэм хэтхэм фIэхъускIэ захуигъэзащ Кисловодск администрацэм щэнхабзэмкIэ и комитетым и унафэщI Сквиренкэ Иннэрэ подполковник Иващенкэ Викторрэ.
Хэку зауэшхуэм щыгъуэ Тхьэм папщIэ бэлыхь куэд зрагъэшэчахэмрэ Урыс Члисэм гуэныхьхэр зрагъэIуэтэжахэмрэ тепсэлъыхьащ епархием щихъхэр канон щIынымкIэ и комиссэм и унафэщI иеромонах Елевферий (Казаков). «Становление Российского государства на примере народного ополчения 1612 года» докладыр ищIащ Успенскэ Второафонскэ Бещтаурскэ цIыхухъу къулъшырыфым и члисэ-тхыдэ музейм и иеромонах Иоанн (Галумов). Кисловодск члисэ округым и благочиннэм дин щIэныгъэмрэ катехизацэмкIэ и дэIэпыкъуэгъу щоджэн нэхъыжь Моничев Димитрий «Русский архистратиг – А.В. Суворов» докладыр ищIащ. Кисловодск къалэм и школхэм я еджакIуэхэр къэпсэлъащ.
Лэжьыгъэ нэужьым конференцэм щащIа докладхэр зэхуэхьэсауэ къыдагъэкIыжынущ, сертификатхэр зратахэм ейхэр, Псыхуабэ, Черкесск щIыналъэхэм я архиепископ Феофилакт и Iэ зыщIэлъхэр.