2019 гъэм фокIадэм и 28-м Горячеводскэ къэзакъхэм я зэгухьэныгъэр Псыхуабэ и Успенскэ члисэм щызэхуэсащ, зэгухьэныгъэм хыхьагъащIэхэм тхьэрыIуэ ящIын папщIэ. ТхьэлъэIу нэужьым тхьэрыIуэм хэтащ къэзакъ щIалэ 25-рэ, зэгухьэныгъэм хэтхэм ирагъэцIыхуахэр. Шы-спорт комплексым и Iэгъуэблагъэм зэIущIэ ин щекIуэкIащ, Горячеводскэ зэгухьэныгъэр илъэс 29-рэ зэрырикъум траухуар. Къэзакъхэм зэIущIэм ирагъэблэгъащ СОКО ТВКО-м и атаман Пальчиков Сергейрэ Тэрч къэзакъыдзэм и нэгъуэщI зэгухьэныгъэхэм щыщ къэзакъхэмрэ.
Махуэшхуэм къэзакъ джэгухэр щаублащ: спорт зэхьэзэхуэхэм я зэфIэкI щеплъыжащ. «Медведь», «Пернач» щIалэгъуалэ дзэ-патриот клубхэм, IуэрыIуатэ гупхэм я концертхэм, щIалэгъуалэм я зэпеуэхэм зэрызыкъагъэлъагъуэм еплъахэщ зэхуэсахэр.