2019 гъэм фокIадэм и 27-м Псыхуабэ, Черкесск щIыналъэхэм я архиепископ Феофилакт Жорым и махуэшхуэ тхьэлъэIу литургиер ЕссэнтIыгу къалэм и Никольскэ члисэм щригъэкIуэкIащ. Щоджэн нэхъыщхьэм къулыкъур драгъэкIуэкIащ Псыхуабэ епархием и Административнэ секретариатым и унафэщI щоджэн Яковенкэ Илия, ЕссэнтIыгу члисэ округым и щоджэнхэм я благочиннэ щоджэн нэхъыжь Еланцев Сергий, къардэн нэхъыжь Кубэ Димитрий я пашэу. Пастыр нэхъыщхьэм и гъусэу тхьэлъэIум хэтащ ЕссэнтIыгу щыпсэухэр, Кавказым и Минводы и къалэхэм къикIыу щIыналъэ лъапIэм Тхьэ елъэIуну кIуахэр.
Литургие нэужьым Щихънагъым Жорыр игъэлъэпIащ икIи екIуэлIапIэм кIуэхэм узэщIыныгъэкIэ захуигъэзащ. ИужькIэ архиепископ Феофилакт Щоджэн нэхъыщхьэм къыбгъэдэкI щIыхь тхылъыр хуигъэфэщащ Новоблагодарнэ къуажэм и Покров члисэм и унафэщI щоджэн нэхъыжь Углов Сергий, члисэр егъэфIэкIуэнымрэ пресвитор къулыкъур илъэс 25-рэ хъуауэ зэрырихьэкIымрэ папщIэ.
Щихънагъыр ЕссэнтIыгу къалэм и Никольскэ члисэм зэрыкIуам теухуа Iуэхур зэхуащIыжащ члисэм и унафэщI щоджэн нэхъыжь Воронин Илия и кхъащхьэм деж тхьэлъэIукIэ.