2019 гъэм фокIадэм и 14-м Урыс Чристэн Члисэм и Издательскэ Советым и унафэщI, Калужскрэ Боровскрэ я митрополит Климентрэ Псыхуабэ, Черкесск щIыналъэхэм я архиепископ Феофилактрэ ЕссэнтIыгу къалэм Тхьэм папщIэ бэлыхь куэд зрагъэшэча Пантелеимон и цIэр зезыхьэ члисэм тхьэлъэIу литургиер щрагъэкIуэкIащ, Псыхуабэ епархием и щоджэнхэм я гъусэу.
ТхьэлъэIум и пэ къихуэу члисэм къагъэIэпхъуащ Верэ, Надеждэ, Любовь сымэ я къарум щыщ Iыхьэхэр зыщIыгъу ковчегыр.
Литургие нэужьым пастыр нэхъыщхьэхэр, щоджэнхэр, фIэщхъуныгъэ зиIэхэр зэгъусэ тхьэлъэIукIэ кIуащ ЕссэнтIыгу и Театр утым, тхьэлъэIу щызэхэтам, «Тхьэм и нэфI зыщыхуа Кавказ» чристэн выставкэ-бэзэрыр, «Радость слова» выставкэ-зэхуэсыр къыщызэIуахам.
Зэхыхьэм хэтхэм фIэхъус ирахащ митрополит Климент, архиепископ Феофилакт, ЕссэнтIыгу къалэм и Iэтащхьэ Некристов Александр сымэ. Зэхыхьэр иригъэкIуэкIащ Урыс чристэн Члисэм и Издательскэ Советым и узэщIыныгъэ проектхэм я щоджэн Степанов Андрей.
«Радость слова» щэнхабзэ программэм хыхьэу Псыхуабэ епархием и щоджэнхэм ягъэлъэгъуащ Патриарх ЛъапIэ Кирилл и тхылъхэр. Выставкэм къекIуэлIа хьэщIэхэм «Православная книга» Зэгухьэныгъэм и гъэзэщIакIуэ унафэщI Головин Алексей «Общественное звучание текстов Патриарха Кирилла в современном мире» докладыр ищIащ. Зэхыхьэхэм хэтащ митрополит Климентрэ архиепископ Феофилактрэ.
КъыкIэлъыкIуэу псапащIэ, узэщIакIуэ, публицист, щоджэн нэхъыжь Стеняев Олег и «Семейная жизнь ветхозаветных патриархов: Авраам, Исаак, Иаков» лэжьыгъэм зыхагъэгъуэзащ. Ар и тхыгъэм, сабийхэм я гъэсэныгъэм, зэщхьэгъусэхэм я зэхущытыкIэхэм тепсэлъыхьащ.
А махуэ дыдэм «Познание» тхылъ тедзапIэ унэр утыку кърахьащ Члисэпсо аспирантурэ, докторантурэ апостол пэлъытэхэу Мефодийрэ Кириллрэ я цIэр зезыхьэм. Ар зэфIихащ сату IуэхухэмкIэ къудамэм и унафэщI Осипов Андрей.
Презентацэ нэужьым кIэщIу зэпсэлъащ. Абы хыхьэу архиепископ Феофилактрэ «Познание» ИД-мрэ тепсэлъыхьащ тхылъ щэным теухуауэ зэрызэдэлэжьэнум.
Выставкэм и лэжьыгъэм фокIадэм и 22 пщIондэ пащэнущ.
«Благословенный Кавказ», «Радость слова» выставкэхэр къызэригъэпэщащ Урыс Чристэн Члисэм и тхылъ тедзапIэ советым, Псыхуабэ епархием, «Чристэн тхылъ» зэгухьэныгъэм, «Чристэн Ипщэ Урысей» компание гупым.