Эки кюнню бир-бири ызындан окъууну аллы бла Черкесскени Никольский клисасында республикада сабий юйлени келечилери къонакъда болдула. «Надежда» деген реабилитацион аралыкъны сабийлери бла тюбешиуню клисада экскурсия бла башладыла. Аны клисаны динчиси иерей Гурин Александр бардырды. Андан сора джаш адамла бирге огъур окъуу джыл болсун деб Никольский клисаны ключары протоирей Кузнецов Сергий тилек этди. Воспитателлени тилеклери бла православ динчиле сабийлеге аман селешгенни заранындан хапар айтдыла. Волонтерла да келген къонакъла бла конкурсла бардырыб алагъа ауузландырыгъа тебсиле да къурдула. Экинчи кюн бу клисагъа. Джегетей-Аягъынны Московский поселогуну Сабий юйюндегиле келдиле. Келген кънакъла тобагъа къайтыб Масих Иссаны эсге тюшюрюу адетни да этдиле. Андан сора православ динчи бла бирге клисагъа къарадыла, андан сора аланы туз-дамдан ауузландырдыла. Сабийлени бу кюнлери эсде къалырча, хар бирине спорт сумкала бла татлы хантла бла башха саугъала да бердиле.