2019 гъэм бадзэуэгъуэм и 27-м пщыхьэщхьэм Львовскрэ Галицикрэ я митрополит Филаретрэ Псыхуабэ, Черкесск щIыналъэхэм я архиепископ Феофилактрэ Тхьэм и Анэм и Успения махуэшхуэм и тхьэлъэIур Псыхуабэ и Спасскэ кафедральнэ члисэ зэхуэхьэсам щрагъэкIуэкIащ. Щоджэн нэхъыщхьэхэм къулыкъур драгъэкIуэкIащ Псыхуабэ епархием и щоджэнхэм. Пастыр нэхъыщхьэхэм я гъусэу Тхьэ елъэIуащ Псыхуабэ щыпсэухэмрэ зыгъэпсэхупIэм и хьэщIэхэмрэ. Иерарххэм Спасскэ кафедральнэ члисэ зэхуэхьэсам и росписыр ягъэнэхуащ. Ушаков Симон и хъэтIкIэ 2016 гъэм жэпуэгъуэм щегъэжьауэ члисэ зэхуэхьэсам и росписыр ищIащ Ставрополь щыщ Пахомов Вячеслав. Метр зэбгъузэнатIэу 2500-р траухуащ Инджыл сюжетхэм, КъегъэлакIуэ Христос и цIэкIэ члисэр зэрагъэнэхуам папщIэ. Члисэ зэхуэхьэсам и блынхэм щащIа щихъхэм я теплъэхэм ящыщщ Кавказ Ищхъэрэм и лъэпкъхэм я узэщIакIуэхэр. Тхьэнапэхэр члисэславяныбзэкIэ, диаспорэхэм я анэдэлъхубзэхэмкIэ ятхащ: алыджыбзэкIэ,
армяныбзэкIэ, хьэрыпыбзэкIэ. IэпщIэлъапщIэхэм тхыпхъэхэр урыс хъэтIкIэ ящIащ. ТхьэлъэIу нэужьым Псыхуабэ, Черкесск щIыналъэхэм я архиепископ Феофилакт тхьэнапэхэр зытхахэм яритащ Архиерейм къыбгъэдэкI щIыхь тхылъхэр.