2019 гъэм шыщхьэуIум и 23-м Золкэ къуажэм щыпсэухэр щоджэн Лукьянченкэ Георгий и гъусэу Кавказым и Минводы и члисэхэм Тхьэ елъэIуну щыIащ. ЩIыналъэ лъапIэм Тхьэ елъэIуну кIуахэм папщIэ автобусыр игъэхьэзыращ епархием и «Кавказский паломник» IуэхущIапIэм. ЯпэщIыкIэ щIыналъэ лъапIэм кIуэхэр щыIащ Успенскэ Бештаурскэ Второафонскэ цIыхухъу къулъшырыфым.
ТхьэлъэIу нэужьым, экскурсие, шэджэгъуашхэ ящIри, щIыналъэ лъапIэм кIуахэр ЕссэнтIыгу къалэм и Петропавловскэ комплексымкIэ яунэтIащ, члисэхэм Тхьэ щелъэIуащ, КъегъэлакIуэ Христос и скульптурэ теплъэм еплъащ, псэущхьэхэр комплексым пэгъунэгъу зоопаркым щагъэшхащ.
ЩIыналъэ лъапIэм Тхьэ елъэIуну кIуахэр Кисловодск и Никольскэ члисэ зэхуэхьэсам, екIуэлIапIэм и музейм, Лъэпкъ паркым щыIащ. ЗекIуэр ЕссэнтIыгу станицэм жорым деж щызэхуащIыжащ, Псыхуабэ, Черкесск щIыналъэхэм я архиепископ Феофилакт иджыблагъэ здэщыIам.