2017 гъэм бадзэуэгъуэм и 16-м Курганинск къалэм и Вознесения члисэм иратыжащ Тхьэм и Анэм и «Троеручица» тхьэнапэр, XIX лIэщIыгъуэм Афон бгы ЛъапIэм и монахиням къэзакъхэм папщIэ итхауэ щытар. Тхьэнапэр цIыху щхьэхуэм ихъумащ, иужькIэ теплъэр псапащIэхэм къащэхужри Члисэм къагъэIэпхъуэжащ. Армавир епархием и зэIущIэм бадзэуэгъуэм и 16-м гъэ къэс ягъэлъэпIэну къыхилъхьащ лъапIэныгъэр къызэрагъэIэпхъуэжар. Къэхъугъэм и етIуанэ илъэсыр Курганинск къалэм щагъэлъэпIащ. ГуфIэгъуэ зэхыхьэр иригъэкIуэкIащ Армавирскрэ Лабинскрэ я епископ Игнатий. ТхьэлъэIу литургие нэужьым лъапIэныгъэр зэгъусэ тьэлъэIукIэ члисэм ихъуреягъкIэ къыщрахьэкIащ. Псыхуабэ епархием и лIыкIуэу зэхыхьэм хэтащ Ипщэ Къэрэшей-Шэрджэс округым и благочиннэм къэзакъхэм ядэлэжьэнымкIэ и дэIэпыкъуэгъу щоджэн Соловьев Алексий.