Быйыл июнь айны 22-де Железноводскеде Ольгинский клисаны джамагъатындан 47 адам дин джолоучулукъгъа атланды. Ол къаумну биргесине клисаны тамадасы протоирей Самохин Михаил баргъан эди. Монастырлагъа таба бары клисаны тамадасы , адамлагъа клисаланы монастырланы юслеринден, Къабарты-Малкъарда православ дин багъалатхан джерледен хапар айта бара эди. Паломникле Куртатинский бла Ардон ауушлада табигъат эмда тарих эсгертмелени кердюле, бурунгу Аланияны бюгюннгю Тегейде православияны юсюнден да хапарлы болдула. Алан Успен эркиши монастырда Железноводскеден келген дин джолоучула аны тамадасы игумен (Дзукоев) Стефан бла тюбешдиле. Анда Масихни Анасыны Моздок иконасыны аллында табын да этдиле. Православ дин ахлуланы артыкъ да бек Кавказда аз тюбеген Пресвятой Богородицаны Порт-Артур иконасы бек сейирсиндирди. Алан Богоявлен тиширыу могнастыргъа бара, Самохин Михаил бабас ол иконаны юсюнден хапар айтхан эди. Тиширыу монастырда келген къонакъла экскурсия этиб шыйыхлы суугъа да кирдиле. Андан сора да монастырны тамадасы игумения (Багаева) Нонна бла да тюбешдиле. Железноводскеде Ольгинский клисаны джамагъаты дин джолоучулукъдан сау-эсен джюрек тынчлыкълы къайтханлары ючюн Раббийге разылыкъ этдиле. Бу дин джолоучулукъну «Кавказский паломник» деген епрхиал къуллукъ къурагъанды.