2019 гъэм мэкъуауэгъуэм и 5-м пщыхьэщхьэм, Тхьэр гъэлъэпIэн махуэшхуэм и пэ къихуэу, Псыхуабэ, Черкесск щIыналъэхэм я архиепископ Феофилакт Псыхуабэ и Спасскэ кафедральнэ члисэ зэхуэхьэсам тхьэлъэIу щригъэкIуэкIащ. Пастыр нэхъыщхьэм и гъусэу тхьэлъэIум хэтащ Псыхуабэ щыпсэухэмрэ зыгъэпсэхупIэм и хьэщIэхэмрэ. Щихънагъ нэхъыщхьэм тхьэлъэIур иригъэкIуэкIащ, махуэшхуэ Инджылым къеджащ, фIэщхъуныгъэ зиIэхэм гъэнэхуа дагъэм щыщ ящихуащ.
2019 гъэм мэкъуауэгъуэм и 6-м, Вознесения махуэшхуэм, Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ КъБР-м и Котляревскэ станицэм и Покров члисэм. Щоджэн нэхъыщхьэм къулыкъур драгъэкIуэкIащ Налшык члисэ округым и екIуэлIапIэхэм я благочиннэ щоджэн нэхъыжь Бобылев Валентин, члисэм и унафэщI щоджэн Арманов Николай, къардэн Копач Пётр. Махуэшхуэм щызэхуэсащ къэзакъхэр, станицэм щыпсэухэр, КъБР-м и къалэхэм, къуажэхэм, станицэхэм къикIыу щIыналъэ лъапIэм Тхьэ елъэIуну кIуахэр.
ТхьэлъэIу нэужьым Пастыр нэхъыщхьэм махуэшхуэ тхьэлъэIур иригъэкIуэкIащ икIи фIэщхъуныгъэ зиIэхэм узэщIыныгъэкIэ захуигъэзащ. ИужькIэ щихънагъ нэхъыщхьэм жорыр яритащ ба хуащIын папщIэ икIи екIуэлIапIэм кIуэхэм епсэлъащ.