2019 гъэм накъыгъэм и 29-м Псыхуабэ епархием икIыу щIыналъэ лъапIэм Тхьэ елъэIуну кIуахэр махуэ ещанэм Псыхуабэ, Черкесск щIыналъэхэм я архиепископ Феофилакт я пашэу Псков къалэм и лъапIэныгъэхэм зыхагъэгъуэзащ. Ар къызэригъэпэщащ епархием и «Кавказский паломник» IуэхущIапIэм. ЯпэщIыкIэ гупыр щыIащ Псковскэ Кремлым, пасэрей Кремлым и макетыр щIэщыгъуэ ящыхъуащ. ИужькIэ щIыналъэ лъапIэм кIуахэр Псков Кремлым и Троицкэ члисэ зэхуэхьэса нэхъыщхьэм щыIащ. Ахэр тхьэлъэIум хэтащ, члисэм и лъапIэныгъэхэм лъэIэсащ, фIэщхъуныгъэ зиIэ джыназхэу Всеволод-Гавриловрэ Довмонт-Тимофейрэ, блаженнэ Салос Николай, Тхьэм папщIэ бэлыхь куэд зрагъэшэча
Снетогорск Иоасаф, телъыджэ къэзыгъэхъу нэгъуэщI тхьэнапэ зыбжанэм я къарум щыщ Iыхьэхэм зыхагъэгъуэзащ.
ИужькIэ щIыналъэ лъапIэм икIыу Тхьэ елъэIуну кIуахэр щыIащ Спасо-Преображенскэ Мирожскэ цIыхухъу къулъшырыфым, пасэрей Покров къулъшырыфым икIи яунэтIащ Иоанно-Богословскэ Крыпецкэ къулъшырыфым. Къулъшырыфым фIэщхъуныгъэ зиIэхэр Саввэрэ Крыпецкэ Корнилийрэ Тхьэ щыхуелъэIуащ, Тхьэм и нэфI зыщыхуахэм я къарум щыщ Iыхьэхэм лъэIэсащ, къулъшырыфым и псынэпсым зыщатхьэщIащ.