2019 гъэм накъыгъэм и 20-24-хэм Кисловодск и Чристэн Свято-Никольскэ гимназием щекIуэкIащ славян тхыбзэмрэ щэнхабзэмрэ я махуэр. Классхэм щекIуэкIащ щихъ узэщIакIуэхэу Кириллрэ Мефодийрэ ятеухуа дерсхэр. ЕтIуанэ классым щIэсхэм ягъэхьэзыращ «Славянская буквица» проектыр, ещанэ, еплIанэ классхэм кIуэхэр узэщIыныгъэ викторинэхэм хэтащ.
Накъыгъэм и 24-м гимназием и еджакIуэхэм тхьэлъэIукIэ ягу къагъэкIыжащ апостол пэлъытэ зэкъуэшхэу Кириллрэ Мефодийрэ. ТхьэлъэIу литургиер Никольскэ члисэ зэхуэхьэсам щригъэкIуэкIащ члисэмрэ гимназиемрэ я унафэщI, щоджэн нэхъыжь Знаменский Иоанн. ТхьэлъэIум уэрэд щыжаIащ гимназием и гъэсэнхэм Синявская Татьянэрэ Игнатенкэ Еленэрэ зэрагъакIуэу. ТхьэлъэIум хыхьэу Москварэ Урысейм псомрэ я Патриарх ЛъапIэ Кирилл Тхьэ щыхуелъэIуащ. ТхьэлъэIу нэужьым унафэщIыр гимназием и гъэсэнхэм махуэшхуэмкIэ ехъуэхъуащ икIи 10 классыр къыхигъэщащ, щихъ зэкъуэш Солунскэхэм я цIэр зезыхьэхэр. УнафэщIым гимназием и гъэсэнхэм щIыхь тхылъхэр, саугъэтхэр яритащ, епархием и дамыгъэхэмрэ къалэ зэпеуэхэмрэ къыщахьахэр. ЩIыхь тхылъымрэ фэеплъ саугъэтымрэ Псыхуабэ, Черкесск щIыналъэхэм я архиепископ Феофилакт кхъыбгъэдэкIыу иратащ 7 классым щIэс Рочевэ Елисаветэ, VI Евдокимовскэ къеджэныгъэхэм 2 увыпIэ къыщызыхьам. ИужькIэ гимназием и гъэсэнхэм класс нэхъыжьхэм щIэсхэм хуагъэхьэзыращ «Слава вам братья, славян просветители!» махуэшхуэр. Гимназием и гъэсэнхэр еплъащ щихъ зэкъуэшхэу Кириллрэ Мефодийрэ ятеухуа фильмым, славян алыфбейр къызэрыунэхуам зыхагъэгъуэзащ, викторинэм и упщIэхэм жэуап иратащ, щихъ зэкъуэшхэм теухуауэ. А махуэ дыдэм къалэ-зыгъэпсэхупIэм Рахманинов С.В. и цIэр зезыхьэ Сабий музыкэ школым махуэшхуэ концерт щекIуэкIащ. Абы къыщыпсэлъащ Кисловодск члисэ округым и екIуэлIапIэхэм я благочиннэ щоджэн нэхъыжь Знаменский Иоанн. Благочиннэм Псыхуабэ, Черкесск щIыналъэхэм я архиепископ Феофилакт и хъуэхъур лъигъэIэсащ икIи игу къигъэкIыжащ Кириллрэ Мефодийрэ лъэпкъым щэнхабзэ, бзэ зэрыхуахьар, цIыхухэр щихъ хъун папщIэ. Концертым зыкъыщагъэлъэгъуащ къалэ-зыгъэпсэхупIэм и творческэ гупхэм, Чристэн гимназием и хорым. Гимназием и гъэсэнхэм ягъэзэщIащ «Гимн святым Кириллу и Мефодию» гимнымрэ щихъ Сербский Николай и «Вера вечна» усэм къытращIыкIа уэрэдымрэ.