2019 гъэм накъыгъэм и 14-м Псыхуабэ, Черкесск щIыналъэхэм я архиепископ Феофилакт иригъэблэгъащ Пащтыхьым и Чристэн Палестинэ зэгухьэныгъэм и лIыкIуэхэр, Кавказхым и Минводы къэкIуахэр.
ЗэIущIэм хэтхэр я Iуэху еплъыкIэхэмкIэ зэхъуэжащ Ставрополь крайм и Iэгъуэблагъэм ИППО-м зыщегъэужьыным ехьэлIауэ. ЕссэнтIыгу къалэм иджыблагъэ зэгухьэныгъэм и къудамэ къыщызэIуахащ, Псыхуабэ епархием дэлэжьэныр мыхьэнэ зиIэу къэзылъытэр. Москва областым щиIэ къудамэм и унафэщI Смирнов Юрий къыхилъхьащ зэгухьэныгъэм и Паломническэ центрым щIыгъуу, абы хуэкIуэ гъуэгум хыхьэ Кавказ Ищхъэрэм и щIыналъэ лъапIэхэр хагъэхьэу нэхъри зрагъэубгъуну, епархием и псапэ проектхэм дэIэпыкъуну.
Архиепископ Феофилакт ИППО щэнхабзэ, узэщIыныгъэ, гуманитарнэ проектхэр къилъытащ икIи зэгухьэныгъэм и унафэщI Степашин Сергей иритащ Захаров Сергей и чристэн хэщIапIэм щагъэхьэзыра IутIыж джэдыкIэр.
А махуэ дыдэм ЕссэнтIыгу къалэм щекIуэкIащ ИППО-м и щIыналъэ зэIущIэ. Смирнов Юрий Москва областым щыIэ къудамэм и лэжьыгъэм тепсэлъыхьащ. ЗэIущIэм хэтхэр къытеувыIащ ЕссэнтIыгу щиIэ зэгухьэныгъэм и лэжьыгъэхэм.