2019 гъэм накъыгъэм и 12-м къалэм и члисэ зэхуэхьэса нэхъыщхьэм и утым псапэ IутIыж махуэшхуэр къыщызэзыгъэпэщахэм екIуэлIапIэм кIуэхэмрэ зыгъэпсэхупIэм и хьэщIэхэмрэ зэIуаща хьэпшыпхэмрэ шхыныгъуэхэмрэ хуагъэлъэгъуащ, IэфIыкIэхэмрэ шейрэ щIыгъуу. Апхуэдэу абы утыку къыщрахьащ IутIыж саугъэтхэр, Чристэн Свято-Никольскэ классическэ гимназием и еджакIуэхэм я саугъэтэр щIыгъуу. Абыхэм къахыхьащ Подкумок къуажэм и Троицкэ члисэм екIуалIэхэр. Гимназием и гъэсэнхэм бэзэрым и хьэщIэхэм ирагъэлъэгъуащ пащтыхь Николай и унагъуэм IутIыж нэхур зэрыщагъэлъапIэм теухуа теплъэгъуэ. Класс нэхъыжьхэм щеджэхэм Синявская Татьянэ зригъакIуэу IутIыж уэрэдхэр ягъэзэщIащ, Христос ЛIахэм КъазэрыхэтэджыкIыжам теухуа махуэшхуэ уэрэдхэр жаIащ.
Бэзэрыр къызэзыгъэпэщахэм зэхуахьэса псапэр члисэ зэхуэхьэсам екIуалIэ хуэныкъуэхэм, ныкъуэдыкъуэхэм, зи закъуэу псэу нэхъыжьхэм иратынущ.