2019 гъэм накъыгъэм и 12-м Иноземцевэ къуажэм щекIуэкIащ «Пасхальная радость» V чристэн щэнхабзэ фестивалыр. Егъэджэныгъэ IуэхущIапIэ 12-м утыку кърахьащ концерт номер 20-м щIигъу. «Малыш» сабий гъэсапIэм екIуалIэхэр я анэхэм я гъусэу къэфащ. Ветеранхэм я академическэ хорым анэхэм уэрэдыр триухуащ. Фестивалыр зэхуащIыжащ IутIыж нэхум теухуа теплъэгъуэкIэ.
Артистхэмрэ художественнэ унафэщIхэмрэ щIыхь тхылъхэмрэ саугъэтхэмрэ иратащ фестивалыр къызэзыгъэпэща Иоанно-Предтечи члисэм и унафэщI щоджэн нэхъыжь Великородный Павел къыбгъэдэкIыу.
«Пасхальная радость» V чристэн щэнхабзэ фестивалым къызэIуихащ члисэр зэрагъэнэхурэ илъэс 20 зэрырикъуам теухуа зи чэзу махуэшхуэр.