2019 гъэм накъыгъэм и 8-м Псыхуабэ, Черкесск щIыналъэхэм я архиепископ Феофилакт хэтащ Урысей МВД-м и управленэ нэхъыщхьэу КИФЩI-м щыIэм.
Щоджэн нэхъыщхьэр ТекIуэныгъэм и махуэшхуэм щыIа пэкIум къыщыпсэлъащ икIи Хэку зауэшхуэм хэкIуэдахэм я фэеплъым удз гъэгъахэр трилъхьащ.
Зэхыхьэм хэтхэм яхуэгъэза псалъэм Щихънагъым къыщыхигъэщащ: «Зауэм и бынхэм ар зыщыдгъэгъупщэ хъунукъым икIи мамырыгъэм, Хэкум и зыужьыыныгъэм хуэдгъэлэжьэн хуейщ». Пастыр нэхъыщхьэм ветеранхэм фIыщIэ яхуищIащ, фэеплъ пэкIум кърихьэлIахэм икIи хэкIуэдахэр зэи зыщамыгъэгъупщэну жаIащ.
Архиепископ Феофилакт ветеранхэм гуапэу епсэлъащ. А махуэ дыдэм округым и управленэм и Жылагъуэ советым хэтхэм я гъусэу Пастыр нэхъыщхьэр ехъуэхъуащ унафэщI, полицэм и генерал-лейтенант Бачурин Сергей илъэс 50 зэрырикъумкIэ икIи Патриаршэ грамотэ иритащ.
Патриарх Кирилл архиепископ Феофилакт и унафэкIэ, Бачурин Сергей члисэ дамыгъэ лъапIэ хуигъэфэщащ, къэрал-дин зэхущытыкIэхэр Кавказ Ищхъэрэм щыгъэбыдэным хэлъхьэныгъэфI зэрыхуищIам папщIэ.