2019 гъэм мэлыжьыхьым и 30-м Черкесск къалэм и тутнакъ №1 -м и бжэхэр зэIухауэ щытащ. Ар ирагъэжьащ IуэхущIапIэм и администрацэм хьэщIэхэр иригъэблагъэри. Тутнакъэщым и унафэщIым и къуэдзэ, къэралкIуэцIыдзэм и майор Аргунов Мурат жиIащ тезыр зрагъэпшынахэм я пIалъэр зэрагъакIуэр. Тутнакъэщым и социальнэ лэжьакIуэ Гавенус Иннэ къытеувыIащ цIыхухэр IэнатIэкIэ къызэзыгъэпэщ центрымрэ тутнакъым исахэм дэIэпыкъуэгъу яхуэхъу Реабилитацэ центрымрэ зэрадэлажьэм. А махуэм Ищхъэрэ Къэрэшей-Шэрджэс члисэ округым и благочиннэм тутнакъым къулыкъу щыщIэнымкIэ и дэIэпыкъуэгъу щоджэн Малютин Геннадий махуэшхуэ IутIыж тхьэлъэIу иригъэкIуэкIащ икIи фIэщхъуныгъэ зиIэхэм IутIыж нэхумкIэ ехъуэхъуащ. ХьэщIэхэм зыхагъэгъуэзащ тутнакъэщым щызекIуэ хабзэхэм, итIанэ администрацэм и лIыкIуэхэм я упщIэхэм жэуап иратащ. махуэр щиухым псори шей зэдефащ.