2019 гъэм мэлыжьыхьым и 29-м Черкесск и Свято-Сергиевскэ гимназием и гъэсэнхэр IущIащ УФ-м и Президентым и полномочнэ лIыкIуэу КИФЩI-м щыIэм и аппаратым КъШР-м щиIэ федеральнэ инспектор нэхъыщхьэ Дральщиков Игорь.
Махуэшхуэ зэIущIэр Псыхуабэ, Черкесск щIыналъэхэм я архиепископ Феофилакт зэрызыхуагъазэ видеохъуэхъукIэ ирагъэжьащ. ИужькIэ Игорь гимназием и гъэсэнхэм IутIыж махуэшхуэмкIэ ехъуэхъуащ, щIэныгъэм ехъулIэныгъэрэ узыншагъэрэ щаIэну захуигъэзащ. НыбжьыщIэхэм ехъуэхъуащ ЕгъэджэныгъэмкIэ Центр №11-м и унафэщI Ляшовэ Еленэ, гимназием и духовнэ унафэщI щоджэн нэхъыжь Кузнецов Сергий.
Гимназием и гъэсэнхэр махуэшхуэ усэ къеджащ, уэрэдхэр жаIащ. Гимназием и дэтхэнэ зы гъэсэнми IутIыж саугъэтхэр иратащ Урысейм и Президентым и полномочнэ лIыкIуэ Матовников Александррэ ахиепископ Феофилактрэ къабгъэдэкIыу.