2019 гъэм мэлыжьыхьым и 25-м, Махуэку Иным, Псыхуабэ, Черкесск щIыналъэхэм я архиепископ Феофилакт тхьэлъэIу литургиерэ лъакъуэ тхьэщIыным теухуа къулыкъумрэ щригъэкIуэкIащ Псыхуабэ и Спасскэ кафедральнэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и щоджэнхэм, тхьэлъэIу-иерархие дамыгъэхэр ятыну ирагъэблэгъахэм.
Пастыр нэхъыщхьэм Москварэ Урысей псомрэ я Патриарх Кирилл и унафэм къеджащ:
Щоджэн нэхъыжь Макаров Николай – Минводы и Покров члисэ зэхуэхьэсам и щоджэным тхьэлъэIу литургие иригъэкIуэкIыну хуит ящIащ;
Псыхуабэ и Успенскэ члисэм и унафэщI щоджэн нэхъыжь Фещенкэ Стефанрэ Кисловодск и Никольскэ члисэ зэхуэхьэсам и щоджэн нэхъыжь Попов Евгенийрэ жор гъэдэха зэрахьэну хуит ящIащ;
Ищхъэрэ Къэрэшей-Шэрджэс округым и благочиннэ щоджэн нэхъыжь Нартов Александр палицэ зэрихьэну хуит ящIащ.
Архиепископ Феофилакт и унафэкIэ щоджэн нэхъыжьым и жорыр зэрахьэну хуит ящIащ:
Минводы къалэм и Никольскэ члисэм и унафэщI Чемодуров Кирилл;
Ясная Поляна къуажэм и Благовещенскэ члисэм и унафэщI щоджэн Савченкэ Роман;
Камилавкэ зэрахьэну хуит ящIащ: ЕссэнтIыгу станицэм и Успенскэ члисэм и щоджэн Гармашев Дмитрий; Черкесск и Никольскэ члисэ зэхуэхьэсам и щоджэн Гурин Александр; Зеленчукскэ станицэм и Петропавловскэ члисэм и щоджэн Гурин Алескандр;
Литургие нэужьым Щоджэн нэхъыщхьэм лъакъуэ тхьэщIын къулыкъур иригъэкIуэкIащ икIи фIэщхъуныгъэ зиIэхэм узэщIыныгъэкIэ захуигъэзащ.
А махуэм и пщыхьэщхьэм архиепископ Феофилакт Инджыл къеджэныгъэр иригъэкIуэкIащ. ТхьэлъэIу нэужьым Пастыр нэхъыщхьэм узэщIыныгъэ жиIащ.