2019 гъэм мэлыжьыхьым и 23-м Псыхуабэ, Черкесск щIыналъэхэм я архиепископ Феофилакт Псыхуабэ епархием и унэм и Иверскэ члисэм Литургие щригъэкIуэкIащ. Щоджэн нэхъыщхьэм къулыкъур драгъэкIуэкIащ: епархием и Административнэ секретариатым и унафэщI щоджэн Яковенкэ Илия, къардэн Копач Пётр, щоджэнхэм, тхьэлъэIу-иерархие дамыгъэхэр зыхуагъэфэщахэм иратыжыну ирагъэблэгъахэм.
Пастыр нэхъыщхьэм жиIащ Москварэ Урысей псомрэ я Патриарх Кирилл и унафэм тету, Черкесск къалэм и Сергиевскэ члисэм и унафэщI щоджэн нэхъыжь
Кишунов Константин тхьэлъэIу литургие иригъэкIуэкIыну хуит зэращIар; Псыхуабэ и Георгиевскэ члисэм и унафэщI щоджэн нэхъыжь Сорокин Константин жор гъэдэхар зэрихьэну хуит ящIащ; Черкесск и Никольскэ члисэ зэхуэхьэсам и ключарь щоджэн нэхъыжь Кузнецов Сергий палицэр зэрихьэну хуит ящIащ.
Архиепископ Феофилакт Карачаевск къалэм и Пантелеимоновскэ члисэм и унафэщI щоджэн Фоменкэ Сергийрэ Прохладнэ къалэм и Покров члисэм и щоджэн Агеев Николайрэ жорыр зэрахьэну хуит ящIащ.
ТхьэлъэIу нэужьым Щихънагъ нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ, ягъэпэжа щоджэнхэм ехъуэхъуащ икIи щоджэнхэмрэ екIуэлIапIэм кIуэхэмрэ епархием и унэм и шхапIэм щепсэлъащ.