Быйыл апель айны 19=да Нарсананы православ гимназиясыны сохталары бла устазлары джерни Кюнюне джоралаб «Природы жалобная книга» деген ат бла экологиялы байрам бардырдыла. Акциягъа къошулгъанла бла келген къонакълааны гимназияны директору протоирей Занменский Иоанн багъышлаб эмда Аллах берген ариулукъгъа христианлы аяулу къарагъанын эсге салды.
Ючюнчю бла джетинчи классланы сохталары туугъан джерлеринден ариу джерлени юсю бла этилген виктоинаны сорууларына джуабла бердиле, табигъатны юсюнден джырла джырладыла, чегетде кесинги къалай джюрюрге кереклитсини юсюнден бешинчи классны сохталары салгъан спектаклге да къарадыла. Алагъа къараргъа келгенле устазла бла сохталала эмда къонакъла: джаш наруралистлени Станциясыны директоруну орунбасары Герасименко Татьяна бла поэтесса Палканова Валентина да келген эдиле. Бу байрамны гимназияны директоруну орунбасары Синявская Татьяна бла биология дерсни устазы Сохина Ольга къурагъандыла. Анга кийимле бла керекли затланы президент грантланы Фондундан ачхагъа алгъандыла.