2019 гъэм мэлыжьыхьым и 19-м Псыхуабэ, Черкесск епархием и архиепископ Феофилакт литургие щригъэкIуэкIащ КъБР-м и Новополтавскэ къуажэм и Князь-Владимирскэ члисэм. Щоджэн нэхъыщхьэм къулыкъур драгъэкIуэкIащ Налшык члисэ округым и щоджэнхэм благочиннэ щоджэн нэхъыжь Бобылев Валентин, къардэн нэхъыжь Кубэ Димитрий я пашэу. Пастыр
нэхъыщхьэм тхьэлъэIур драгъэкIуэкIыну къызэхуэсащ къуажэм дэсхэр. Архиепископ Феофилакт благочинием и языныкъуэ клирикхэм дамыгъэхэр яхуигъэфэщащ. Щоджэн нэхъыжь Бобылев Валентин хуит ящIащ тхьэлъэIу литургиер Пащтыхь куэбжэхэр зэIухауэ иригъэкIуэкIыну. Новоивановскэ къуажэм и Иоанно-Богословскэ члисэм и унафэщI щоджэн Бондарь Виталий щоджэн нэхъыжьым и жорыр зэрихьэну хуит ящIащ. Тырныауз къалэм и Георгиевскэ члисэм и щоджэн Филатов Александр камилавкэр зэрихьэну хуит ящIащ, Налшык къалэм и Симеоновскэ члисэм и щоджэн Тамбиев Роман набедренникыр зхэрихьэну хуит ящIащ. ТхьэлъэIу нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи екIуэлIапIэм и тхьэмахуэ школым зыщрагъэплъыхьащ. А махуэ дыдэм Пастыр нэхъыщхьэр щыIащ Прималкинскэ къуажэм, епархием иппотерапиемкIэ и «Благовещение» центрым и къудамэм и лэжьыгъэм зыхигъэгъэузащ. Псыхуабэ епархием мы мазэм щыщIэдзауэ Благовещенскэ къуажэм щыIэ къудамэм дэIэпыкъунущ. ИужькIэ архиепископ Феофилакт щыIащ Бахъсэн къалэм и Покров члисэм. Щихънагъыр зэпымыууэ щыIэщ ухэуныгъэм, епархиер мылъкукIэ зыдэIэпыкъухэм.