2019 гъэм гъатхэпэм и 27-м егъэджакIуэ гуп, чристэн щэнхабзэм и лъабжьэхэр Кировскэ къалэ округым и курыт еджапIэхэм щезыгъэджхэр щIыналъэ лъапIэм Тхьэ елъэIуну кIуащ. Гупым я гъусащ Новопавловскэ члисэ округым и екIуэлIапIэхэм я благочиннэ щоджэн Цапко Владислав.
ЩIыналъэ лъапIэм кIуэхэр щыIащ Псыхуабэ къалэм и Спасскэ кафедральнэ члисэ зэхуэхьэсамрэ Успенскэ Второафонскэ Бештаурскэ цIыхухъу къулъшырыфымрэ. Спасскэ члисэ зэхуэхьэсам егъэджакIуэхэм щахутепсэлъыхьащ члисэмрэ абы и лъапIэныгъэхэмрэ, росписым и мыхьэнэм.
Бештаурскэ къулъшырыфым щIыналъэ лъапIэм кIуэхэр щеплъащ члисэмрэ къулъшырыфым и Iэгъуэблагъэмрэ. ЕгъэджакIуэхэм зыщаплъыхьым ахэр лъапIэныгъэм, Георгиевскэ члисэм щыIэхэм зыубгъуауэ хагъэгъуэзащ. Гупыр щыIащ къулъшырыф музейм, Кавказым и Минводы и щихъхэм я гъащIэм теухуа хьэпшыпхэр щIэщыгъуэ щащыхъуам.