2019 гъэм гъатхэпэм и 16-м, Тхьэм папщIэ бэлыхь кууэд зрагъэшэча Фёдор Тирон и фэеплъ махуэм, Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Свято-Сергиевскэ цIыхубз къулъшырыфым и Георгиевскэ члисэм. Щоджэн нэхъыщхьэм къулыкъур драгъэкIуэкIащ члисэм и щоджэнхэм къулъшырыфым и щоджэн нэхъыжь Лиманов Гермоген къардэн нэхъыжь Кубэ Димитрий и гъусэу. Литургием Тхьэ щелъэIуащ икIи Христос и щэхухэм зыщыхагъэгъуэзащ «София» екIуэлIапIэ-пансионатым и гъэсэнхэм.
ТхьэлъэIу нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ. ИужькIэ архиепископ Феофилакт Жорыр яритащ ба хуащIын папщIэ, гъэсэнхэм епсэлъащ, абыхэм я гъусэу сурэт зытригъэхащ.