Тхьэм папщIэ бэлыхь куэд зрагъэшэча Тирон Феодор и фэеплъ махуэм, Зеленчукскэ станицэм и кхъэм пащтыхь шэнтиуэ махуэшхуэр щагъэлъэпIащ. ТхьэлъэIу литургиер иригъэкIуэкIащ Ипщэ Къэрэшей-Шэрджэс члисэ округым и екIуэлIапIэхэм я благочиннэ щоджэн нэхъыжь Субтельный Евгений члисэ округым и щоджэнхэм я гъусэу. Тхьэм папщIэ бэлыхь куэд зрагъэшэча Тирон Феодор и цIэр
зезыхьэ члисэр цIыкIущ. Ар щаухуэм я мурадащ хьэдэщIэлъхьэ тхьэлъэIу къудейр щрагъэкIуэкIыну, ауэ станицэм зиубгъун щIидзэри, Тирон Феодор и цIэр зезыхьэ члисэр екIуэлIапIэ пэлъытэу щIэупщIэ иIэ хъуащ. Зэгухьэныгъэ къэунэхури члисэм и унафэщI хъуащ щоджэн Касмицкий Алексий, нобэр къыздэсым лажьэр. ЕкIуэлIапIэм кIуэхэм я члисэ цIыкIур фIыуэ ялъагъу икIи ар ирагъэфIакIуэ. Члисэм куполыщIэ щагъэуващ, унэлъащIэхэр яхъуэжащ, члисэ Iэгъуэблагъэр зыхуей хуагъэзащ, уэзджынэ къащэхуащ. Пащтыхь шэнтиуэ махуэшхуэм зыхуэгъэхьэзырыным жыджэру хэтащ Зеленчукскэ станицэм и къэзакъ зэгухьэныгъэр, станицэм и щIалэгъуалэм щыщ къэзакъхэр. Зэгъусэ тхьэлъэIу нэужьым екIуэлIапIэм кIуэхэм махуэшхуэмкIэ ехъуэхъуащ Зеленчукскэ районым и атаман Фёдоров Владимир. Махуэшхуэр псапащIэ шэджэгъуашхэкIэ зэхуащIыжащ.