2019 гъэм гъатхэпэм и 5-м, чристэн тхылъым и махуэм хыхьэу, гъатхэпэм и 14-м ягъэлъапIэм, Кисловодск и Чристэн Свято-Никольскэ классическэ гимназием «Книга - свет миру» къалэ конференцэр щекIуэкIащ.
Конференцэм хэтащ Кисловодск къалэ-зыгъэпсэхупIэм и администрацэм щэнхабзэмкIэ и комитетым и унафэщI Сквиренкэ Иннэ, Кисловодск егъэджэныгъэмкIэ и управленэм и IэщIагъэлI нэхъыжь Милохин Александр, Солженицын А. И. и цIэр зезыхьэ къалэ библиотекэ нэхъыщхьэм и унафэщI Демченкэ Еленэ, библиотекэм и лэжьакIуэхэр, урысыбзэмрэ урыс литературэмкIэ егъэджакIуэхэр, къалэ библиотекэм и лэжьакIуэхэр.
Къызэхуэсахэм фIэхъускIэ захуигъэзащ Кисловодск члисэ округым и екIуэлIапIэхэм я благочиннэ, Никольскэ члисэ зэхуэхьэсам и унафэщI щоджэн нэхъыжь Знаменский Иоанн. Щоджэным ялъигъэIэсащ Псыхуабэ, Черкесск щIыналъэхэм я архиепископ Феофилакт и хъуэхъур икIи зэхуэсахэм чристэн тхылъым и махуэмкIэ захуигъэзащ. Гимназием и япэ классым кIуэхэм литературно-макъамэ композицэ утыку щагъэлъэгъуащ, класс нэхъыжьхэм щеджэхэм я хорым ягъэзэщIащ «Прощание славянки» маршыр.
«Книга – свет миру» докладыр ищIащ щоджэн нэхъыжь Знаменский Иоанн. Абы къызэхуэсахэм гу лъаригъэтащ тхылъым цIыхум и гъащIэм щиIэ мыхьэнэм, япэ тхылъым и тхыдэм къытеувыIащ. Щоджэным къыхигъэщащ тхылъ еджэныр щэнхабзэ хабзэу зэрыщытыр икIи дэ нэхъыбэрэ дызэреджэр. Благочиннэм зэхыхьэм хэтхэр иригъэплъащ «Апостол» тхылъым, 1564 гъэм гъатхэпэм и 14-м къыдагъэкIар. Абдеж къыщыщIедзэ Урысейм тхылъ къыщыдэгъэкIыным икIи ХъыбарыфIхэр зэрыт тхылъ лъапIэм къеджэну къыхуриджащ, сыту жыпIэмэ, тхылъ лъапIэхэм уеплъ къудеймэ гъащIэ пэжым ухуашэ» - жиIащ Иоанн.
XIX лIэщIыгъуэм и 17-18 гъэхэм урысыбзэм игъуэта зэхъуэкIыныгъэхэм къытеувыIащ гимназие №19-м и библиотекэм и лэжьакIуэ Даньшинэ Татьянэ.
Урыс алыфбейм къыщыхъуа зэхъуэкIыныгъэхэм теухуахэр гъэщIэгъуэнт икIи щхьэпэт. Чехов А. П. и «Предложение» рассказым къытращIыкIа теплъэгъуэр утыку щагъэлъэгъуащ къалэ библиотекэм и лэжьакIуэхэм. Милохин Александр егъэджэныгъэмкIэ Управленэм и унафэщI Бутин Юрий зэхуэсахэм махуэшхуэмкIэ зэразыхуигъазэ хъуэхъум къеджащ икIи фIыщIэ яхуищIащ зэIущIэ щхьэпэр къызэзыгъэпэщахзм.
Благочиннэм библиотекэм тыгъэ хуищIащ Щихънагъ Феофилакт къыбгъэдэкI тхылъхэр, журналхэр, епархием и «Благословенный Кавказ» журналыр, «Молодежь: свобода и ответственность» щIэныгъэ-практикэ егъэджэныгъэ конференцэм теухуа материалхэр щызэхуэхьэсар. Чристэн тхылъхэм я гъэлъэгъуэныгъэ музейм къыщызэрагъэпэщащ. КъыдэкIа тхылъхэм зыхагъэгъуэзащ гупыж зыщIахэм икIи Новый Завет тхылъ лъапIэр иратащ. Конференцэм хэтахэр ягъэхьэщIащ.