2019 гъэм мазаем и 18-м Ставрополь и Казанскэ кафедральнэ члисэ зэхуэхьэсам щекIуэкIащ Ставрополь митрополием и Архиерей советым и зи чэзу зэIущIэр. Советым хэтхэщ Ставропольрэ Невинномыскрэ я митрополит Кирилл, Псыхуабэ, Черкесск щIыналъэхэм я архиепископ Феофилакт, Георгиевскрэ Прасковейскрэ я епископ Гедеон, советым и секретарь щоджэн нэхъыжь Моздор Иоанн.
ЗэIущIэм щыщIидзэм митрополит Кирилл Архиерейхэм тхылъхэр яригъэлъэгъуащ, Ставрополь епархием къыдигъэкIахэр.
ИужькIэ пастыр нэхъыщхьэхэр еплъащ Урыс Чристэн Члисэм и редакцэм и положенэхэм, Ставрополь митрополием и Архиререй советым и лэжьыгъэм и планым хэплъащ, 2019 гъэм и фэеплъ махуэ епархием и дежкIэ мыхьэнэ зиIэхэр къагъэлъэгъуащ.
Зэхыхьэм хэтхэр едэIуащ Ставрополь и духовнэ семинарием и отчётымрэ духовнэ школхэм я егъэджакIуэхэм я тхыгъэхэмрэ, Урысей ФСИН-м и управленэ нэхъыщхьэм и дэIэпыкъуэгъухэм я лэжьыгъэхэр егъэфIэкIуэным, фIэщхъуныгъэ зиIэ тезыр зрагъэпшынхэм я лэжьыгъэхэр къызэгъэпэщыным и IуэхукIэ. Архиерей советым и къыкIэлъыкIуэ зэIущIэр траухуащ.
***
Митрополием и Архиерей советыр илъэсым тIо зэхашэ, тхьэлъэIу , пастыр, духовнэ-узэщIыныгъэ, егъэджэныгъэ, псапащIэ, щIалэгъуалэ, тхылъ тедзапIэ, хъыбарегъащIэ, социальнэ, псапащIэ Iуэхухэр зэщIегъэуIуэ, жылагъуэмрэ светскэ властым и органхэмрэ зэдегъэлажьэ. Советым зэщIегъэуIуэ духовнэ еджапIэхэр, митрополием и Iэгъуэблагъэм итхэр, митрополием и епархие псоми я проектхэмрэ зэхыхьэхэмрэ къызэрегъэпэщ