2019 гъэм щIышылэм и 24-м, къэзакъхэм я лъэпкъ гъэкIуэдым хэкIуэдахэм я фэеплъ махуэм, Старопавловскэ станицэм и центрым къэзакъ яукIахэмрэ абыхэм я унагъуэм щыщхэмрэ папщIэ тхьэлъэIу зэхэтащ. ТхьэлъэIур иригъэкIуэкIащ станицэм и Никольскэ члисэм и унафэщI щоджэн Вологин Александр. ТхьэлъэIум хэтащ щIыналъэм и къэзакъ зэгухьэныгъэм хэт къэзакъхэм атаман Коновалов Андрей я пашэу, станицэдэсхэр, Ставрополь щIыналъэм щиIэ къудамэм и унафэщI Бондарев Сергей.
***
1919 гъэм щIышылэм и 24-м РКП (б)-м и ЦК-м и Оргбюром къищтащ «Ко всем ответственным товарищам, работающим в казачьих районах» директивэ щэхур. Абы къэзакъхэм я лъэпкъ гъэкIуэдыр щIэдзапIэ хуэхъуащ. Тэрч къэзакъхэм я лъэпкъ гъэкIуэдым и фэеплъыр гъатхэпэм и 27-м ягъэлъапIэ. А махуэм 1920
гъэм Аки-Юртовскэ, Тарскэ, Сунженскэ станицэхэм дэсхэр ирагъэIэпхъукIащ я щIыпIэм.