Январь айны 20-да 1919-чу джыл Совет Россия «О расказачивании» деген директивагъа къол салгъанды. Бюгюн, талай миллин адам джанны къурутхан ол ачы ишге 100 джыл толду. Ол бушшу кюнню эсге тюшюрюрге быйыл январны 21-де Зеленчюк стансени 3-чю номерли В.В. Бреславцевни атын джюрютген орта школну сохталары бла устазлары джыйылдыла. Сабийле къонакъгъа, къарт аналары бла къарт аталары ол зорлукъ заманда джашагън стансечилени чакъырдыла. « Кеслерини юслеринде ол къыйынлыкъланы сынагъан адамла бусагъатда сау тюлдюле-деб айтды джыйылгъанлагъа Къарачай-Черкесияда Къыбла клиса округну приходларыны джуаблы динчиси протоирей Субтельный Евгений,- алай болса да биз аланы унутмай эсде тутаргъа керекбиз, Ата Джуртубузну тюбю бла джокъ этерге аздан къалгъан бизни бабаларыбыз этген терсликлени къайтармазча!»