2019 гъэм щIышылэм и 14-м, Псыхуабэ и лъахэхутэ музейм и гъэлъэгъуэныгъэ пэш, сабийхэм я IэкIэ ягъэхьэзырыжа хъуромэ цIуугъэнэхэмкIэ ягъэдэхам, ИлъэсыщIэр юлиан махуэгъэпсым тету ягъэлъэпIащ. ЗэIущIэм къэкIуащ музейм и ныбжьэгъухэр: лэжьэгъухэр, лъахэхутэ цIэрыIуэхэр, жылагъуэ лэжьакIуэхэр, щоджэнхэр, артистхэр.
Зэхыхьэр къыщызэIуихым, музейм и унафэщI Савенкэ Сергей къыхигъэщащ музейм и хьэщIэхэр хабзэ дахэр даIыгъыну къызэрыкIуар, лъахэхутэ музейр 1904 гъэм зэраухуэрэ ИлъэсыщIэр абы тету ягъэлъапIэу яубзыхуащ. Музейм и лэжьакIуэхэм Хэкум и махуэшхуэ блэкIахэм я фэеплъыр яхъумэ.
Нобэ Второафонскэ къулъшырыфым и иеромонах благочиннэ Елевферий (Казаков) хьэщIэхэмрэ музейм и лэжьакIуэхэмрэ Христос и хъуромэмкIэ ехъуэхъуащ, чристэн тхыдэм и хабзэхэр – юлиан, григориан махуэгъэпсхэм тету зэрагъэлъапIэр, Христос и хъуромэр зэрагъэлъапIэр ягу къигъэкIыжри. Псыхуабэ и творческэ гупхэм зыкъагъэлъэгъуа нэужь зэхыхьэр зэхуащIыжащ.