Быйыл январь айны 13-де Ессентюк шахарны Никольский клисасыны христиан дин школунда Рождество Христова байрамгъа аталыб концерт болуб етдю. Сохтала назмула окъуб, рождество джырла бла колядкаланы да джырладыла, сохталан абадан къаууму да В.Тихомировну «Ирод- царь» деген пьесасындан гинджи спектакль кергюздюле. Аны тышында Рождество Христовону юсюнден сабийле этген суратла да салыннган эдиле. Концертден сора клисаны тамадасы протоирей Агеев Павел, христиан дин школну сохталарына, «Святые заступники Руси» деген бютеуэресей конкурсну «Изобразительное искусство» деген номинациясына къошулгъанлары ючюн грамотала берди. Матрона Московская аулиягъа аталгъан ишлери ючюн-Василий Зиненко бла Диденко Любовь;Донской Дмитрий шыйых бла Московская Евфросиния аулигъа аталгъан ишлери ючюн- Ефремова Елена, Пивоварова Полина бла Ульянов Максим алдыла. Устазлары Е.Д. Калашникова. «Мир вокруг нас» деген ачыкъ шахар сурат конкусну 1-чи дараджалы дипломун дагъыда Ульянов Максим алды. Бу къуанчны бары да бирге олтуруб туз-дамдан ауузланыб тамамладыла. Христиан дин школну сохталары бла келген гитче къонакъчыкълагъа да саугъала бердиле.