2018 гъэм дыгъэгъазэм и 29-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Горячеводскэ къуажэм Тхьэм и Анэм и къэзакъ Успения члисэм. Щоджэн нэхъыщхьэм къулыкъур драгъэкIуэкIащ: Псыхуабэ епархием и Административнэ секретариатым и унафэщI щоджэн Яковенкэ Илия, Псыхуабэ члисэ округым и екIуэлIапIэхэм я щоджэн благочиннэ щоджэн нэхъыжь Дубинский Борис. Абы ящыщщ члисэм и унафэщI щоджэн нэхъыщхьэ Фещенкэ Стефан, къэзакъ зэгухьэныгъэхэм я щоджэн, Псыхуабэ, Черкесск епархием и Iэгъуэблагъэм щыIэ щоджэн нэхъыжь Дьячков Александр, Успенскэ члисэм илъэс 20-кIэ къулыкъу щызыщIам, къардэн нэхъыжь Кубэ Димитрий.
Пастыр нэхъыщхьэм и гъусэу тхьэлъэIум хэтыну къызэхуэсащ члисэм и зэгухьэныгъэр, Горячеводскэ къэзакъ зэгухьэныгъэм и къэзакъхэр, Псыхуабэ и къэзакъ кадет школ №19-м и къэзакъ классым щIэсхэр.
ХъыбарыфIхэр зэрыт тхылъым итхэм къеджа нэужь, Щихънагъ нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ. ТхьэлъэIум хэт куэдым Христоc и Щэхухэм а махуэм зыхагъэгъуэзащ. Литургие нэужьым архиепископ Феофилакт Жорыр яритащ ба хуащIын папщIэ икIи екIуэлIапIэм къэкIуахэм епсэлъащ. Пастыр нэхъыщхьэм зэгъэпэщыжыныгъэ лэжьыгъэхэр псынщIэу нагъэсыну ехъуэхъуащ икIи ИлъэсыщIэ къэблэгъамрэ Христос и ХъуромэмкIэ псоми ехъуэхъуащ.
ИужькIэ щоджэн нэхъыщхьэм къэзакъ члисэр зэрырагъэфIэкIуам еплъащ, члисэм и Iэгъуэблагъэм иджы щыIэ тхьэнапэ лавкэм еплъащ.