2018 гъэм дыгъэгъазэм и 28-м, щоджэн нэхъыжь Остапчук Иоанн дунейм зэрехыжрэ илъэс 21-рэ щрикъум ирихьэлIэу Налшык щихъ Столпник Симеон и цIэр зезыхьэм тхьэлъэIухэр щрагъэкIуэкIащ. Абы хэтащ Налшык округым и щоджэнхэр, дунейм ехыжам и благъэхэр, екIуэлIапIэм кIуэхэр.
Ар илъэс 25-кIэ, 1971 гъэм къыщыщIэдзауэ Къэбэрдей-Балъкъэрым и чристэн члисэхэм я благочиннэу щытащ икIи Столпник Симеон и цIэр зезыхьэ члисэм и унафэщIу щытащ. Абы хузэфIэкIащ члисэр ихъумэн, нэхъ ин ищIын, игъэдэхэн. Благочиннэ къулыкъур щрихьэкIам ар икIи епархием и ревизэ комиссэм и унафэщIу, благочинием и щоджэну щытащ. Пастыр къулыкъур щрихьэкIам зэфIигъэкIахэм папщIэ абы члисэ дамыгъэхэр къыхуагъэфэщащ. 1986 гъэм мэлыжьыхьым и 30-м абы Патриарх ЛъапIэ Пимен къыхуигъэфэщащ Щихъ Радонижский Сергий и орденыр. Иоанн клирикхэмрэ екIуэлIапIэм кIуэхэмрэ я пщIэрэ лъагъуныгъэрэ къилэжьащ. Иджырей Симеоновскэ члисэр, щихъ, апостол пэлъытэ Магдалинэ Марие и цIэр зезыхьэ члисэр, тхьэмахуэ школымрэ библиотекэмрэ, видеозалыр, шхапIэр, благочинием и канцеляриер, щоджэнхэм я унэр, просфорнэр, нэгъуэщI куэди абы и къарукIэ иухуащ, пастыр нэсым и щапхъэгъэлъагъуэу. Абы и чэнджэщхэм пщIэ хуащIырт, светскэ властхэри хыхьэу. Члисэм и Iуэхухэр дэгъэкIыным теухуауэ абы шынагъэ дэплъагъуртэкъым. Ставрополь, Урыс Чристэн Члисэм и нэгъуэщI щIыналъэхэм я епархиехэм я щоджэн куэдым къалъытэ Иоанн и гъэсэну.
ТхьэлъэIу литургие нэужьым къалэкхъэм тхьэлъэIу щрагъэкIуэкIащ, Иоанн щыщIалъхьам.