Быйыл декабрь айны 25-де Эресейни къутхарыучусуну Кюнюню аллы бла Черкессккеде Свято-Сергий гимназиясыны «Спасатели-водники» деген ючюнчю классны сохталары Къарачай-Черкесияда Эресейни МЧС-ни къуллукъчуларын джуукълашыб келген байрам бла алгъышладыла. Гимназияны динчиси протоирей Кузнецов Сергий, Эресейни республикада МЧС-ни тамадасы Шарков Сергейге, Пятигорске бла Черкесс епархияны клиса джашаууна тири къошулуб тургъаны ючюн Пятигорске бла Черкесскени архиепископу Феофилактны грамотосы бла «Православные святыни Карачаево-Черкесии» деген китабны да берди. Кесини джанындан да Сергей Владимирович классны коллекциясына деб гиназиячылагъа «Корабли» деген китабны саугъа этди. Гимназиячыла управленияны бютеу белюмлерини къуллукъчуларын алгъышлаб алагъа къутхарыучуланы ишлеринден хапар айтхан кеслери этген суратла бла орузламаланы саугъа этдиле.