2018 гъэм дыгъэгъазэм и 5-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Минводы къалэм и Никольскэ члисэм. Щоджэн нэхъыщхьэм къулыкъур драгъэкIуэкIащ Псыхуабэ епархием и Административнэ секретариатым и унафэщI щоджэн Яковенкэ Илия, Минераловодскэ члисэ округым и екIуэлIапIэхэм я щоджэным благочиннэ щоджэн нэхъыжь Панасенкэ Алексий я пашэу, къардэн нэхъыжь Кубэ Димитрий. Пастыр нэхъыщхьэм и гъусэу тхьэлъэIум хэтыну къызэхуэсащ къалэм щыпсэухэр, Минераловодскэ районым и къэзакъ зэгухьэныгъэм и къэзакъхэр.
ХъыбарыфIхэр зэрыт тхылъ лъапIэм итхэм къеджа нэужь щихънагъым фIэщхъуныгъэ зиIэхэм узэщIыныгъэкIэ захуигъэзащ. Литургие нэужьым абы Жорыр яритащ ба хуащIын папщIэ. ТхьэлъэIу нэужьым архиепископ Феофилакт унафэщIымрэ екIуэлIапIэм кIуэхэмрэ епсэлъащ. Архиепископыр гуфIащ екIуэлIапIэм и тхьэмахуэ школым и лэжьыгъэр зэрырагъэжьам.