2018 гъэм дыгъэгъазэм и 10-м Кисловодск благочинием и административнэ хэщIапIэм щекIуэкIащ епархием и Хъуромэ зэхыхьэм зэрызыхуагъэхьэзырыным теухуа зэIущIэ, Псыхуабэ, Черкесск щIыналъэхэм я архиепископ Феофилакт и арэзыныгъэкIэ ирагъэкIуэкIынум. Абы хэтащ епархием и щIалэгъуалэ къудамэм и унафэщI щоджэн Яковенкэ Илия, Кисловодск округым и члисэхэм я благочиннэ щоджэн нэхъыжь Знаменский Иоанн, къардэн Тригуб Михаил, Кисловодск къалэ-зыгъэпсэхупIэм и администрацэм щэнхабзэмкIэ и комитетым и унафэщI Сквиренкэ Иннэ, къалэ-зыгъэпсэхупIэм и администрацэм егъэджэныгъэмкIэ и унафэщI Бутин Юрий, Свято-Никольскэ гимназием и унафэщIым и къуэдзэ Синявская Татьянэ.
ЗэIущIэм хыхьэу Iуэхугъуэ зыбжанэм тепсэлъыхьащ. Апхуэдэу зэхыхьэм хэтхэр щыIащ къэрал филармонием, балыр щрагъэкIуэкIыну яубзыхуам.
Фигу къэдгъэкIыжынщи, Хъуромэ балыр 2019 гъэм щIышылэм и 19-м ирагъэкIуэкIынущ. Абы жыджэру хэтынущ щIалэгъуалэр, студентхэр, класс нэхъыжьхэм щIэсхэр, жылагъуэ зэгухьэныгъэхэм жыджэру хэтхэр. Программэм хагъэхьэнущ творческэ, къэфакIуэ ансамблхэм щыщхэр, бал къафэхэр, Iэнэр.