Епархием и архитектурно-ухуэныгъэ комиссэр щыIащ Кисловодск члисэ округым и члисэхэм. Абы хэтащ епархием и къудамэм ухуэныгъэмкIэ и унафэщI щоджэн нэхъыжь Бондарчук Андрей, Кисловодск округым и благочиннэ щоджэн нэхъыжь Знаменский Иоанн, благочиннэм ухуэныгъэмкIэ и дэIэпыкъуэгъу Музенитов Павел, епархием и архитектор, хъумакIуэ Чечин Олег, епархием и складым и унафэщI Чечин Сергей.
Епархием ухуэныгъэмкIэ и къудамэм и унафэщI щоджэн нэхъыжь Бондарчук Андрей, архитектор икIи хъумакIуэ Чечин Олег ухуэныгъэ лэжьыгъэхэм зыхагъэгъуэзащ, благочинием и члисэхэм щрагъэкIуэкIхэм икIи зыхуеину чэнджэщхэр иратащ.
Комиссэр щыIащ Кисловодск и Никольскэ члисэ зэхуэхьэсам, Пантелеимоновскэ, Крестовоздвиженскэ члисэхэм, Зеленогорск къуажэм и Покров члисэ ухуэныгъэм.
Пантелеимоновскэ члисэм комиссэм зыщыхигъэгъуэзащ иконостасыр гъэувыным ехьэлIахэм икIи Iэгъуэблагъэм зыщиплъыхьащ. Крестовоздвиженскэ члисэм комиссэм къыщилъытащ члисэм и IуплъапIэр зыхуей зэрыхуагъэзэжар. Никольскэ члисэ зэхуэхьэсам комиссэр щыIущIащ икIи зэфIагъэкIа лэжьыгъэхэмрэ къапэщылъхэмрэ хигъэгъуэзащ благочиннэм ухэныгъэмкIэ и дэIэпыкъуэгъу Музенитов Павел. Комиссэм зыхигъэгъуэзащ члисэм и Iэгъуэблагъэм ухуэныгъэ лэжьыгъэхэр зэрыщрагъэкIуэкIым, мывэ лъапIэхэмкIэ IуплъапIэхэр зэрагъэдахэ проектым.