2018 гъэм щэкIуэгъуэм и 27-м Псыхуабэ, Черкесск щIыналъэхэм я архиепископ Феофилакт Епархием и Советым и зэIущIэ иригъэкIуэкIащ. Абы ирагъэблэгъащ члисэ округхэм я благочиннэхэр, епархием и къудамэхэм ящыщхэм я унафэщIхэр. Лэжьыгъэм и пэ къихуэу архиепископ Феофилакт Советым хэтхэмрэ благочиннэхэмрэ щIыгъуу тхьэлъэIу лиутургие щригъэкIуэкIащ Псыхуабэ епархием и унэм и Иверскэ члисэм. ЗэIущIэр а члисэм литургие нэужьым щрагъэкIуэкIащ. Зэхыхьэм Iуэхугъуэ 16-м щыхэплъащ.
Сабийхэмрэ щIалэгъуалэмрэ я гъэмахуэ зыгъэпсэхугъуэр зэрекIуэкIам теухуауэ Советым хэтхэм яхутепсэлъыхьащ епархием и ЩIалэгъуалэ къудамэм и унафэщI щоджэн Яковенкэ Илия. ЗэIущIэ нэужьым екIуэлIапIэхэм я бюджетхэм хагъэхьэну унафэ ящIащ сбийхэм я гъэмахуэ зыгъэпсэхугъуэхэм текIуэдэну ахъшэр.
Псыхуабэ епархием и зэхыхьэ 150-м нэблагъэ щрагъэкIуэкIащ Урысейр умэхъын зэращIрэ илъэси 1030-рэ щрикъум ирихьэлIэу. Абы щыщу 40-р Кисловодск члисэ округым щекIуэкIащ. Епархием и Советым псоми фIыщIэ яхуищIащ ахэр къызэзыгъэпэщахэмрэ махуэшхуэм хэтахэмрэ.
2018 гъэм лэжьыгъэр зэрекIуэкIам теухуауэ Советым хэтхэм я пащхьэм къыщыпсэлъащ паломническэ IэухущIапIэм и унафэщI Логвиненкэ Ларисэ, архитектурно-ухуэныгъэ комиссэм и щоджэн нэхъыжь Бондарчук Андрей, щоджэнхэм я унагъуэхэм я попечительскэ комиссэхэм я щоджэн нэхъыжь Панасенкэ Алексей, унагъуэм, анагъэмрэ сабиигъуэмрэ хъумэным теухуа комиссэм и щоджэн нэхъыжь Акименкэ Сергий.
ЗэIущIэм щызэхалъхьэжащ епархием и педагогикэ советым кърикIуахэр. Епархием зи школ кIуэгъуэ мыхъуахэм я центрхэм зыщрагъэужьыну унафэ къащтащ. Псыхуабэ и Тхьэнапищ члисэхэмрэ Тхьэм и Анэм и Успения члисэмрэ зи школ кIуэгъуэ мыхъуахэм щадолажьэ.
«Тхьэм и нэфI зыщыхуа Кавказ», «Псалъэм и гуфIэгъуэ» грант лэжьыгъэмрэ гъэлъэгъуэныгъэхэмрэ кърикIуахэр зэхилъхьэжащ. Члисэмрэ жылагъуэмрэ я зэхущытыкIэхэмкIэ къудамэм и унафэщI щоджэн нэхъыжь Нартов Александр. Советым псом хуэмыдэу къыхигъэщащ Свято-Никольскэ Чристэн классикэ гимназием и проектым и ехъулIэныгъэр, президент грантхэм я дэIэпыкъуныгъэ зыхуагъэфэщар.
ЗэIущIэм хэтхэм зыхагъэгъуэзащ зэхуэс зыбжанэм кърикIуахэм, епархием щекIуэкIахэм. Гуэныхь зрагъэшэчахэм я фэеплъ конференцэм теухуауэ къэпсэлъащ щихъхэр канон щIынымкIэ комиссэм и унафэщI иеромонах Елевферий (Казаков). «Тхьэм и нэфI зыщыхуа Кавказ медиазэхуэсымрэ псапащIэ пастыр конференцэмрэ, Тхьэм папщIэ бэлыхь куэд зрагъэшэчахэмрэ гуэныхьхэр зыIуэтэжахэмрэ ятеухуахэм кърикIуахэр зэхилъхьэжащ хъыбарегъащIэ-тхылъ тедзапIэ, псапащIэ къудамэм и унафэщI щоджэн нэхъыжь Самохин Михаил. Псом хуэмыдэу къыхагъэщащ епархием социальнэ сайтхэм ехъулIэныгъэхэр зэрыщиIар. «Вера и слово» VIII фестивалым хыхьэу епархием и аккаунтыр Инстаграммым Урыс Чристэн Члисэм нэхъыфIу къыщалъытащ.
Епархием и регент курсхэм я унафэщI щоджэн нэхъыжь Кузнецов Сергий Советым хэтхэм я деж нихьэсащ КИФЩI-м и «Молодежь в системе духовного музыкального образования. Традиции и перспективы» регентхэмрэ уэрэджыIакIуэ хорхэмрэ я III щIэныгъэ-практикэ конференцэм кърикIуахэр. Абы и лэжьыгъэм щыщ Iыхьэ хъуащ егъэджакIуэ икIи дирижёр Кустовский Евгений и мастер-классхэр. Советым къыхигъэщащ апхуэдэ семинархэр щIэх-щIэхыурэ егъэкIуэкIын зэрыхуейр.
Къэзакъхэм ядэлэжьэнымкIэ къудамэм и унафэщI щоджэн нэхъыжь Фещенкэ Стефан Советым хэтхэм яжриIащ Губиным и къеджэныгъэхэмрэ епархием и къэзакъ щIалэгъуалэм я спартакиадэмрэ кърикIуахэр.
Къеджэныгъэхэм я лэжьыгъэм япэу хэтащ Георгиевск къикIа хьэщIэхэр, спартакиадэм утыку къыщрахьащ къэзакъхэм я спорт лIэужьыгъуэ зыбжанэ.
Епархием и советым хэтхэмрэ абы ирагъэблэгъахэмрэ иджыри зэ хэплъащ епархием и гъащIэм ехьэлIа Iуэхугъуэхэм икIи унафэхэр къащтащ.