2018 гъэм щэкIуэгъуэм и 8-м Кисловодск и чристэн члисэхэм махуэшхуэ тхьэлъэIухэр щрагъэкIуэкIащ. ТхьэлъэIу литургиер Никольскэ члисэ зэхуэхьэсам щригъэкIуэкIащ члисэм и унафэщI щоджэн нэхъыжь Знаменский Иоанн. ТхьэлъэIу нэужьым ЦIыхубэ зэкъуэтыныгъэм и махуэм Кисловодск къалэпсо зэгъусэ тхьэлъэIу щрагъэкIуэкIащ Тхьэм и Анэм и Къэзан тхьэнапэр яIыгъыу. Махуэшхуэ пэкIум хэтащ Кисловодскэ благочинием и щоджэнибгъу, къардэн, члисэм екIуалIэхэр, къалэ-зыгъэпсэхупIэм и хьэщIэхэр, къэзакъхэр, Чристэн Свято- Никольскэ классическэ гимназием и еджакIуэхэр.
Зэгъусэ тхьэлъэIур ирагъэжьащ Никольскэ члисэм щыщIадзэри икIи ар иухащ Телъыджэ къэзыгъэхъу Николай и скульптурэ теплъэм деж. ТхьэлъэIу нэужьым къызэхуэсахэм фIэхъускIэ захуигъэзащ Кисловодск члисэ округым и екIуэлIапIэхэм я благочиннэ щоджэн нэхъыжь Знаменский Иоанн. Абы псалъэ гуапэхэр, хъуэхъухэр архиепископ Феофилакт къыбгъэдэкIыу яжриIащ икIи къыхигъэщащ ЦIыхубэ зэкъуэтыныгъэм и махуэр жылагъуэр щызэгухьэ, щызэгурыIуэ, я тхыдэм пщIэ щыхуащIу зэрыщытыр.
Махуэшхуэм пащащ «Урысей. Хэку. Зэкъуэтыныгъэ!» концерт программэ къалэ утыкум щекIуэкIамкIэ. Зэхыхьэм хэтхэм хъуэхъукIэ зыхуагъэзащ администрацэм и лIыкIуэхэм, къалэ думэм, дин IуэхущIапIэхэм ящыщхэм. Благочиннэ щоджэн нэхъыжь Знаменский Иоанн, къалэм щыпсэухэмрэ абы ихьэщIэхэмрэ защыхуигъазэм, ягу къигъэкIыжащ махуэшхуэм и тхыдэр икIи къыхуриджащ мамырыгъэр, цIыхубэм я зэкъуэтыныгъэр яхъумэну, Чристэн Члисэм и зэкъуэтыныгъэр нэхъри ягъэбыдэну.
Концертым хэтащ Кисловодск и щэнхабзэ центрхэм я лIыкIуэхэр, Чристэн Свято-Никольскэ классическэ гимназием и ансамблыр, къалэ-зыгъэпсэхупIэм и творческэ гупхэр. Гимназием и гъэсэнхэр я унафэщI Синявская Татьянэ и унафэм щIэту ягъэзэщIащ «Русь православная» уэрэдыр. Концерт нэужьым гимназием и гъэсэнхэр хэтащ къалэм и «Символы России» литературнэ-тхыдэ квестымрэ «Мы разные, но мы вместе» зэхыхьэмрэ, члисэ-къэрал махуэшхуэм теухуахэр. Зэхыхьэхэр щызэхуащIыжащ Никольскэ члисэ зэхуэхьэсам b «Святыни земли родной» члисэ-тхыдэ музейм. ЕкIуэлIапIэм кIуэ цIыкIухэм папщIэ абы щекIуэкIащ «Встреча» мультипликацэ фильмыр, Тхьэм и Анэм и Къэзан тхьэнапэм и тхыдэм теухуар.