2018 гъэм жэпуэгъуэм и 14-м, Тхьэм и Анэм и Покров махуэшхуэм ягъэлъэпIащ Смоленск и чристэн духовнэ семинариер къызэрызэрагъэпэщрэ илъэс 290-рэ зэрырикъумрэ Смоленщинэ духовнэ егъэджэныгъэр къызэрыщагъэщIэрэщIэжрэ илъэс 30 зэрырикъумрэ.
Иджыблагъэ егъэджэныгъэ IуэхущIапIэм и актовэ пэшым щекIуэкIащ «Новейшая история Смоленской духовной семинарии в контексте развития богословского образования Русской Православной Церкви» щIэныгъэ-практикэ конференцэр. Ар иригъэкIуэкIащ щIэныгъэ лэжьыгъэмкIэ СПДС-м и проректор игумен Тарасий (Ланге).
Зэхыхьэм хэтхэм фIэхъускIэ зыхуагъэзащ – егъэджакIуэхэм, щоджэнхэм, къалэм и духовнэ школхэм я студентхэм – СПДС-м и ректор, Смоленскрэ Дорогобужскрэ я митрополит Исидор, Смоленск къэрал университетым и ректорым и къалэнхэр зыгъэзащIэ Артеменков М.Н., Смоленск областымегъэджэныгъэм зегъэужьынымкIэ и институтым и ректор Кольцовэ О.С, Калининградскэ епархием и Духовнэ-узэщIыныгъэ центрым и унафэщI, СПДС-м ипрофессор щоджэн нэхъыжь Урбанович Георгий, 1995-2007 гъэхэм СПДС-м и ректору лэжьа щоджэн нэхъыжь Савик Виктор. ЩIэныгъэ конференцым и хьэщIэ лъапIэ хъуащ Черняховскрэ Славскрэ я епископ Николай.
Псыхуабэ епархием щихъхэр канон щIынымкIэ и комиссэм и унафэщI, Смоленскэ семинариер къэзыуха иеромонах Елевферий (Казаков) Псыхуабэ, Черкесск епархиехэм я архиепископ Феофилакт зэрызыхуигъазэ псалъэхэм къеджащ, 2009-2011 гъэхэм Смоленскэ кафедрэм и унафэщIу щытар. Елевферий семинарием тыгъэ хуищIащ компьютер хъыбарегъащIэ-егъэджэныгъэ Iуэхухэр ирагъэфIэкIуэн папщIэ. Къэпсэлъахэм къыхагъэщащ Смоленск семинарием тхыдэ мыхьэнэ зэриIэр – духовнэ школым фIэщхъуныгъэ быдэ зиIэхэр, щIэныгъэлIхэр, щэнхабзэм и лэжьакIуэхэр, егъэджакIуэхэр зэрыщеджар.
СПДС-м и ректор митрополит Исидор къызэхуэсахэр хигъэгъуэзащ «Вклад Патриарха Московского и всея Руси Кирилла в возрождение духовного образования на Смоленской земле и формирование теологического образования в Русской Православной Церкви» и докладым. Конференцым и программэм хагъэхьащ абы хэтахэм я докладхэри.
Жэпуэгуъэм и 13-м пщыхьэщхьэм Покров члисэм тхьэлъэIу щекIуэкIащ. Ар иригъэкIуэкIащ Смоленскрэ Дорогобужскрэ я митрополит, Вяземскрэ Гагаринскрэ я епископ Сергий, Черняховскрэ Славскрэ я епископ Николай. Пастыр нэхъыщхьэхэм я гъусэу къулыкъур ирагъэкIуэкIащ щоджэн нэхъыжь Урбанович Георгийрэ (СПДС-м и ректор в 2007-2016 гг.), щоджэн нэхъыжь Савик Викторрэ (СПДС и ректор 1995-2007 гг.), семинарием и егъэджакIуэхэр, Смоленскэ,Вяземскэ епархиехэм, Калининградскэ митрополием я клирикхэр. Члисэм Тхьэ щелъэIуащ семинарием и студентхэмрэ егъэджакIуэхэмрэ, Смоленск щыпсэухэр, щIыналъэ лъапIэм тхьэ елъэIуну кIуахэр.
Жэпуэгъуэм и 14-м, Тхьэм и Анэм и Покров махуэшхуэм, Смоленскэ епархием и илъэс 290-м ехьэлIа гуфIэгъуэ зэхыхьэхэр щекIуэкIащ Смоленск и Успенскэ кафедральнэ члисэ зэхуэхьэсам. ТхьэлъэIу литургиер иригъэкIуэкIащ Смоленскрэ Дорогобужскрэ я митрополит Исидор, Вяземскрэ Гагаринскрэ я епископ, Черняховскрэ Славскрэ я епископ Николай, Рославльскрэ Десногорскрэ я епископ Мелетий. Пастыр нэхъыщхьэхэм я гъусэу къулыкъур ирагъэкIуэкIащ щоджэн нэхъыжь Савик Виктор, семинарием и щоджэн егъэджакIуэхэм, Вяземскэ, Рославльскэ епархием, Калининград митрополием я клирикхэм. Литургием Тхьэ щелъэIуащ семинарием и студентхэмрэ егъэджакIуэхэмрэ, чристэн гимназие №1- м и егъэджакIуэхэмрэ еджакIуэхэмрэ, кафедральнэ члисэ зэхуэхьэсам екIуалIэхэр, Смоленск щыпсэухэр, къалэм и хьэщIэхэр.
Литургие нэужьым иерарххэр къызэхуэсахэм ехъуэхъуащ. Смоленскэ семинарием и тхыдэм щыщ махуэшхуэм и щIыхькIэ митрополит Исидор дамыгъэ нэхъыщхьэхэр яхуигъэфэщащ духовнэ школыр ефIэкIуэн папщIэ.Махуэшхуэ къулыкъум хэтащ Псыхуабэ епархием и лIыкIуэр.