Быйыл октябрь айны 14-де Прохладный шахарда энтда да нюр салынмагъан Покрова Пресвятой Богородица джангы клисада байрамгъа джоралаб дин къуллукъ этилди. Анга Никольский клисаны тамадасы протоией Маршалкин Андрей башчылыкъ этди. Анга дин къуллукъ болушлукъну Покров клисаны тамадасы иерей Агеев Николай эмда иерей Андреев Евгений этдиле. Дин къуллукъда клисагъа джюрюучю джамагъат бла бирге Прохладный администрацияны башчысы Тараев Игорь бла эмда бу клисаны къурулушуна болушлукъ этген энергетикле бла темир джолчуланы компанияларыны келечилери да табын этдиле. Къачлы джюрюш къурагъандан сора клисаны тамадасы иерей Агеев Николай бу клисаны къурулушуна къаллай болушлукъ этгенлеге джю.рек разылыгъын билдириб алагъа саугъагъа иконаланы берди. Байрамны христиан дин школ хазырлагъан концерт бла эмда туз-дамдан ауузланыб тамамладыла.