Быйыл сентябрь айны 23-де Воздвижение Креста Господня дегенни аллы бла ыйыкъда Пятигорске бла Черкесскени архиепископу Феофилактны разылыгъы бла Джинал къая тизгинде тенгизден 1281 метр мийикликде болгъан Кабан къаяда Табыныучу къач салынды. Анга нюр салгъан адетни Нарсана клиса округну джуаблы динчиси протоирей Знаменский Иоанн этди. Адлайда тилек этерге атаман Финенко Сергейни башчылыгъы бла Нарсана къазакъ джамагъатны къазакълары бла курорт шахарны джамгаъты- бютеулей да дюзден аслам адам келген эди. Бу Табын къхачны салыргъа деген оюмну атаман Финенко Сергей бла къкзакъла Витрук Сергей бла Могилев Валерий айтхан эдиле. Ол къачны аланы ачхаларына этгендиле, ол темирден этилгенди, мийиклиги беш метрди, ауурлугъу да джарым тоннагъа джетеди. Нюр салгъан адетни этиб, джуаблы православ динчи джыйылгъанланы бу ашхы иш бла алгъышлаб бу къачны хазырларгъа салгъан къыйынлары ючюн къазакълагъа да джюрек разылыгъын билдирди.» Аллахны сыйына джоралаб салыннган Православ къач, Нарсана шахарда джашагъанланы къоруулаб турлукъду»- деб чертген эди православ динчи.