2018 гъэм фокIадэм и 22-м, щихъхэу Иоакимрэ Аннэрэ я фэеплъ махуэм, Псыхуабэ, Черкесск щIыналъэхэм я архиепископ Феофилакт Санамер къуажэм пащтыхь шэнтиуэ махуэшхуэр щригъэкIуэкIащ. Щоджэн нэхъыщхьэм къулыкъур драгъэкIуэкIащ ЕссэнтIыгу члисэ округым и щоджэнхэм благочиннэ щоджэн нэхъыжь Еланцев Сергий я пашэу. Литургие нэужьым пастыр нэхъыщхьэм щихъхэм я пщIэр щиIэтащ икIи фIэщхъуныгъэ зиIэхэм узэщIыныгъэкIэ захуигъэзащ.
Мы гъэм Псыхуабэ, Черкесск епархием къэзакъхэм ядэлэжьэнымкIэ и къудамэм зэпеуэ къыщызэрагъэпэщащ «Терское общество любителей казачьей старины» Фондым щIыгъуу.
Къэзакъ щIалэгъуалэм я спорт махуэшхуэр тхьэлъэIу литургиекIэ щрагъэжьащ къалэм и Никольскэ члисэм. Абы къулыкъур щыдрагъэкIуэкIащ епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан, Минераловодскэ члисэ округым и благочиннэ щоджэн нэхъыжь Панасенкэ Алексий, члисэм и унафэщI щоджэн Чемодуров Кирилл, щоджэнхэм, члисэ округхэм къэзакъхэм я нэIэ тезыгъэтхэм. Щоджэнхэм тхьэлъэIу ирагъэкIуэкIащ гуапащIэм и пэ къихуэу, ныбжьыщIэхэм зэхьэзэхуэр къехъулIэн папщIэ.
Къалэ стадионым Ставрополь крайм, Къэбэрдей-Балъкъэрым (Тэрч къэзакъыдзэ), Къэрэшей-Шэрджэсым (Кубань къэзакъыдзэ) щыщу гупибл щызэхуэсащ.
Зэпеуэм хэтхэм фIэхъус щарихым, Псыхуабэ, Черкесск щIыналъэхэм я архиепископ Феофилакт ягу къигъэкIыжащ щихъхэу Иоакимрэ Аннэрэ я фэеплъыр члисэм ягу къыщыщагъэкIыжым деж а зэхьэзэхуэр къызэрыхалъхьэр икIи ахэр къыхуриджащ зэпеуэр я адэ-анэхэм траухуэну, къэзакъ зэныбжьэгъугъэм щIэту зэпеуэр ирагъэкIуэкIыну захуигъэзащ щIалэгъуалэм.
«ФIэщхъуныгъэр цIыхум къыдоIэпыкъу щытыкIэ зэхуэмыдэхэм щиувэкIэ къарууфIэу къэнэжынымкIэ! Къару нэхъ лъэщу фиIэну сынызэрывэхъуэхъур Христос худиIэ зэкъуэтыныгъэрщ! Жорыр зыпщIэхэлъым и ныбжьэгъухэм и плIэр ящIегъакъуэ, жорыр яхьынымкIэ дэIэпыкъуу! ДэIэпыкъуныгъэ хуэныкъуэм и Iэр яхуеший, и IэштIымыр и жагъуэгъум хуегъэдалъэ. ГуапащIэм и пэ итщ, зауэми ныбжьэгъугъэми щыапхуэдэщ! Фи напэр фхъумэжынымкIэ Тхьэр къывдэIэпыкъуну, фи гум шэч къытевмыхьэну, шынэ фимыIэну, фымынэщхъеину, чристэным хуэфащэу къэзакъхэр фыпсэуну!» - къыхигъэщащ Щихънагъым. Мы гъэм спартакиадэм щыIэ зэпеуэ лIэужьыгъуэхэм – гырэр къэIэтыныр, армрестлингыр, сэр дзыныр, канатым ирикIуэныр, нэгъуэщIхэри къыхагъэхьащ. Япэ увыпIэр къахьащ Винсад къуажэм и къэзакъ зэгухьэныгъэм (Ставрополь
крайм и Предгорнэ районым), етIуанэр – Преграднэ къуажэм и къэзакъ зэгухьэныгъэм (КъШР-м и Урупскэ районым), ещанэ хъуащ – Котляревскэ станицэм и къэзакъ зэгухьэныгъэр (Къэбэрдей-Балъкъэр). КъэпщытакIуэхэм спартакиадэм хэта адрей гупхэми я зэфIэкIыр къыщалъытащ, саугъэтхэмкIэ ягъэгушхуэри. Гупхэм дипломхэр иратащ, кубокхэмрэ саугъэт лъапIэхэмрэ щIыгъуу. Ар тренажёрхэрщ, архиепископ Феофилакт и цIэкIэ къащэхуахэрщ.