2018 гъэм шыщхьэуIум и 27-м пщыхьэщхьэм, Тхьэм и Анэ Къабзащэм и Успения пщыхьэщхьэм, Псыхуабэ, Черкесск щIыналъэхэм я архиепископ Феофилакт щихъ Святогорец Паисий и цIэр зезыхьэ члисэ цIыкIур игъэнэхуащ, ЕссэнтIыгу станицэм и Успенскэ члисэм и Iэгъуэблагъэм щыIэр. Члисэ цIыкIур, щихънагъым и арэзыныгъэкIэ, зэщхьэгъусэхэу Геннадийрэ Валентинэрэ я нэIэм щIэту яухуащ. Щоджэн нэхъыщхьэм блынхэр псы лъапIэкIэ игъэнэхуащ икIи къызэхуэса станицэдэсхэм, щIыналъэ лъапIэм Тхьэ щелъэIуну къэкIуахэм захуигъэзащ.
Архиепископ Феофилакт махуэшхуэ тхьэлъэIу щригъэкIуэкIащ ЕссэнтIыгу станицэм и Успенскэ члисэм. Щихънагъым тхьэлъэIур драгъэкIуэкIащ Псыхуабэ епархием и административнэ секретариатым и щоджэн Яковенкэ Илия, ЕссэнтIыгу члисэ округым и щоджэнхэм и екIуэлIапIэхэм я щоджэнхэм благочиннэ щоджэн нэхъыжь Еланцев Сергий, къардэн нэхъыжь Кубэ Димитрий я пашэу. Пастыр нэхъыщхьэм литургиер иригъэкIуэкIащ, Инджылым къеджащ, фIэщхъуныгъэ зиIэхэм гъэнэхуа дагъэ лъапIэм щыщ ящихуащ.